ផ្ទុះតំបន់ទេសចរណ៍បែបវប្បធម៌ថ្មីនៅភ្នំខ្លាកូន មានចម្លាក់ព្រហ្មខ្ពស់ត្រដែតកណ្ដាលព្រៃព្រឹក្សា
- 2020-10-19 02:28:51
- ចំនួនមតិ 0 | ចំនួនចែករំលែក 0
ផ្ទុះតំបន់ទេសចរណ៍បែបវប្បធម៌ថ្មីនៅភ្នំខ្លាកូន មានចម្លាក់ព្រហ្មខ្ពស់ត្រដែតកណ្ដាលព្រៃព្រឹក្សា
ចន្លោះមិនឃើញ
ភ្នំខ្លាកូនគឺជាកូនភ្នំធម្មជាតិ ស្ថិតនៅក្នុងភូមិខ្លាកូន សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ស្ថិតនៅចម្ងាយប្រហែល២គីឡូម៉ែត្រពីទីរួមខេត្ត។ ទីនោះគឺជាគោលដៅទេសចរណ៍ លំហែកាយថ្មី របស់បងប្អូនក្រុងសិរីសោភ័ណ ដែលមានរូបចម្លាក់បុរាណខ្មែរ ក្នុងរចនាបថបាយ័ននៅលើចង្កេះភ្នំ។
អមជាមួយបរិយាកាសនៅទីនោះគឺ មានខ្យល់ អាកាស បរិសុទ្ធស្រស់ស្រាយជាមួយធម្មជាតិពណ៌បៃតង ការធ្វើដំណើរពីក្រោមទៅលើភ្នំដើម្បីទស្សនា និងថតរូបអនុស្សាវរីយ៍ជាមួយចម្លាក់មិនមានការលំបាកទេ ព្រោះតែព្រះសង្ឃ និងគណៈកម្មការអាចារ្យវត្តបានកសាងផ្លូវបេតុងមួយខ្សែថ្មីថ្មោង អាចឡើងបានយ៉ាងងាយស្រួល។
ចម្លាក់ព្រហ្ម ឬលោកេស្វរៈនៅលើភ្នំខ្លាកូន គឺជាចម្លាក់ថ្មីប៉ុណ្ណោះ ដោយកសាងឡើងដែលផ្នែកឯកជន ប៉ុន្តែត្រូវបានឆ្លាក់យ៉ាងផ្ចិតផ្ចង់ និងយកចិត្តទុកដាក់គួរឲ្យស្ងើចសរសើរ។ ចម្លាក់ភ្នំបានរួមចំណែកធ្វើឲ្យជនជាតិខ្មែរចាប់អារម្មណ៍ និងស្គាល់ភ្នំខ្លាកូនកាន់តែច្បាស់ ហើយវាគឺជាការលើកតម្លៃផ្នែកវប្បធម៌ និងសិល្បៈខ្មែរមួយកម្រិតទៀត។
គួរបញ្ជាក់ថាចម្លាក់ព្រហ្មនេះ សង់ឡើងដោយមានក្រុមហ៊ុនឯកជនមួយជាអ្នកសង់ ហើយទើបតែសង់រួចរាល់នៅអំឡុងខែកញ្ញាកន្លងទៅ ហើយត្រូវបានមន្ទីរទេសចរណ៍ខេត្តបន្ទាយមានជ័យរំពឹងថាសំណង់នេះ ជាផ្នែកមួយនៃការទាក់ទាញភ្ញៀវទេសចរ និងការផ្សព្វផ្សាយវប្បធម៌ខ្មែរ៕ រូបថត៖ ពូរឿន