Koeman ថា VAR នៅអេស្ប៉ាញ គឺបង្កើតឡើងដើម្បីប្រឆាំង Barcelona
- 2020-10-25 01:39:08
- ចំនួនមតិ 0 | ចំនួនចែករំលែក 0
Koeman ថា VAR នៅអេស្ប៉ាញ គឺបង្កើតឡើងដើម្បីប្រឆាំង Barcelona
ចន្លោះមិនឃើញ
ក្រុម FC Barcelona បានបរាជ័យក្រោមថ្វីជើងរបស់ក្រុម Real Madrid ក្នុងទឹកដីខ្លួនឯងលទ្ធផល ៣-១ កាលពីយប់មិញនេះ។
ក្នុងការប្រកួតនោះដែរ លោក Ronald Koeman អ្នកចាត់ការក្រុម Barcelona មិនពេញចិត្តចំពោះការផ្ដល់បាល់ប៉េណាល់ទីឱ្យ Real Madrid សម្រាប់គ្រាប់ទី២ឡើយ ព្រោះលោកយល់ថាវាមិនសក្ដិសមនោះទេ។ មួយវិញទៀត VAR ដែលមិនផ្ដល់បាល់ប៉េណាល់ទីឱ្យ Barcelona នៅគ្រាដែល Varane ប៉ះដៃទៀតនោះ គឺកាន់តែធ្វើឱ្យអ្នកចាត់ការក្រុមអ្នកមានបុណ្យមិនសប្បាយចិត្តខ្លាំងឡើង។
បុរសសញ្ជាតិហុល្លង់បាននិយាយក្រោយចប់ការប្រកួតថា៖ “VAR នៅអេស្ប៉ាញគឺគ្រាន់តែបង្កើតមកដើម្បីប្រឆាំងជាមួយ Barcelona ប៉ុណ្ណោះ។ គ្រប់ការសម្រេចចិត្តទាំងអស់សុទ្ធតែប្រឆាំងយើង។ ៥ប្រកួតមកហើយ ដែលយើងមិនទទួលបានផលអ្វីពីវាឡើយ។ ខ្ញុំមិនគិតថាបាល់ Ramos សមឱ្យប៉េណាល់ទីឡើយ”៕