ជក់ចិត្តហើយ! គាស់អេគីប៣ស្មើធំៗលំដាប់ស្រុកខ្មែរ ឱ្យប៉ះគ្នាដណ្ដើមប្រាក់លាន
- 2020-10-28 03:11:33
- ចំនួនមតិ 0 | ចំនួនចែករំលែក 0
ជក់ចិត្តហើយ! គាស់អេគីប៣ស្មើធំៗលំដាប់ស្រុកខ្មែរ ឱ្យប៉ះគ្នាដណ្ដើមប្រាក់លាន
ចន្លោះមិនឃើញ
ពិតជាកក្រើក និងជក់ចិត្ត សម្រាប់ប្រិយមិត្តដែលស្នេហាវិស័យកីឡាបាល់ទះ ដ្បិតថាថ្ងៃទី៣០-៣១ ខែតុលា ឆ្នាំ២០២០ខាងមុខ តារាងបាល់ទះកូនភ្លោះក្រុងតាខ្មៅ នឹងរៀបចំការប្រកួតមិត្តភាពជម្រុះអេគីបបីស្មើ ដណ្ដើមប្រាក់លានមួយ ដែលមានការចូលរួមពីសំណាកកីឡាករល្បីៗលំដាប់ស្រុកខ្មែរ។
អ្នករៀបចំកម្មវិធីលោក ស៊ ដាវុធ ប្រាប់ Sabay មុននេះថាលោករៀបចំកម្មវិធីនេះឡើង ក្នុងគោលបំណងចង់ឱ្យអេគីបបីស្មើធំៗប៉ះគ្នា ចង់ដឹងពីសមត្ថភាព និងចង់បង្កើតភាពរីករាយដល់ទស្សនិកជន ក្នុងឱកាសឈប់សម្រាកនៃព្រះរាជពិធីបុណ្យអុំទូក ហើយការប្រកួតនេះមាន៨ក្រុមចូលរួម ដូចជាអេគីបដាវញីឈ្មោល សុវណ្ណនាថ ម៉ាប់ឆ្វេង ខ្មៅលិកម៉ាទីអូប៉ះសេ, អេគីប ឥន្ទ្រីពិឃាដឌូក សាមីត ទុងប៉ះសេ, អេគីបអធិរាជប្រអប់ សុវណ្ណរាជ វិចិត្រ វុធប៉ះសេ, អេគីប វ៉ា វ៉េត កុយប៉ះសេ, អេគីប នាគស្លាបហង្ស ម៉េងហួង ហុងលីប័ររ៉ូ ណារិទ្ធប៉ះសេ, អេគីប ចាវកំពង់ចាម, និងអេគីបលោកគ្រូណាប់ ធារិទ្ធ រ៉ាតប៉ះសេជាដើម។
ការប្រកួតជម្រុះមានរយៈពេល២ថ្ងៃ គឺថ្ងៃសុក្រ-សៅរិ៍ ខាងមុខនេះវេលាម៉ោង១០ព្រឹក នៅតារាងបាល់ទះកូនភ្លោះក្រុងតាខ្មៅ។ ថ្ងៃទីមួយក្រុមទាំង៨ ត្រូវប្រកួតជម្រុះយក ៤ក្រុម ដើម្បីទៅលេងវគ្គជម្រុះនៅថ្ងៃបន្ទាប់ ស្វែងរកជើងឯក។ ជ័យលាភីលេខ១ នឹងទទួលបានប្រាក់រង្វាន់ ៤លានរៀល ចំណែកលេខ ២ ដល់លេខ ៤ ទទួលបានរង្វាន់លើកទឹកចិត្ត។
លោក ស៊ ដាវុធ បញ្ជាក់ថានេះគ្រាន់តែជាជំហ៊ានដំបូងប៉ុណ្ណោះ ហើយលោកសូមមានការអធ្យាស្រ័យ និងយោគយល់ពីទស្សនិកជន ព្រោះការប្រកួតធ្វើឡើងជាក្រៅផ្លូវការ មិនមានលក្ខខណៈស្តង់ដារឡើយ។ យ៉ាងណាលោកថា បើសិនជាកម្មវិធីនេះទទួលបានជោគជ័យ លោកនឹងរៀបចំការប្រកួត ៤ស្មើពេញសាច់មកពីស្ថាប័នធំៗ ប្រកួតលក្ខខណៈស្តង់ដារ មិនប៉ះសេចាប់បោះ មិនបោកជាប់ដៃ ដូចការប្រកួតមិត្តភាពក្រៅផ្លូវការសព្វថ្ងៃឡើយ។ ជ័យលាភីលេខ១ នឹងទទួលបានប្រាក់រង្វាន់ច្រើនជាងនេះ។
១- អេគីប ដាវញីឈ្មោល សុវណ្ណនាថ ម៉ាប់ឆ្វេង ខ្មៅលិកម៉ាទីអូប៉ះសេ
២- អេគីប ឥន្ទ្រីពិឃាដឌូក សាមីត ទុងប៉ះសេ
៣- អេគីបអធិរាជប្រអប់ សុវណ្ណរាជ វិចិត្រ វុធប៉ះសេ
៤- អេគីប វ៉ា វ៉េត កុយប៉ះសេ
៥- អេគីប នាគស្លាបហង្ស ម៉េងហួង ហុងលីប័ររ៉ូ ណារិទ្ធប៉ះសេ
៦- អេគីប ចាវកំពង់ចាម
៧- អេគីប លោកគ្រូណាប់ ធារិទ្ធ រ៉ាតប៉ះសេ
៨- អេគីបវិសាខា (មិនទាន់ច្បាស់)