OPPO បង្ហាញស្មាតហ្វូនអាចពន្លាចេញបានដូចគម្ពីរ (វីដេអូ)
- 2020-11-18 01:43:14
- ចំនួនមតិ 0 | ចំនួនចែករំលែក 0
OPPO បង្ហាញស្មាតហ្វូនអាចពន្លាចេញបានដូចគម្ពីរ (វីដេអូ)
ចន្លោះមិនឃើញ
OPPO តែងតែបានបង្ហាញចេញនូវការឌីហ្សាញប្លែកៗនៃស្មាតហ្វូន។ ដូចកាលពីឆ្នាំ ២០១៣ ក្រុមហ៊ុនបានបញ្ចេញ OPPO N1 ដែលមានកាមេរ៉ាអាចបង្វិលទៅមុខឬក្រោយបាន និងឆ្នាំ ២០១៨ មាន OPPO Find X ដែលប្រើការឌីហ្សាញកាមេរ៉ា Selfie បង្កប់ក្នុងតួខ្លួន។ ពេលនេះក្រុមហ៊ុនបានបង្ហាញចេញការឌីហ្សាញប្លែកមួយទៀតជាមួយ OPPO X 2021 ដែលជាស្មាតហ្វូនអាចពន្លាអេក្រង់បាន។
OPPO X 2021 មានអេក្រង់ដែលអាចពង្រីក និងពង្រួមបានរវាងទំហំ ៦,៧អ៊ីញ និងទំហំ ៧,៤អ៊ីញ។ OPPO បានអះអាងថាការរចនាបថនេះ មិនមានបន្សល់ទុកស្នាមលើអេក្រង់ដូចជាស្មាតហ្វូនបត់អេក្រង់នោះទេ។
OPPO និយាយថាការឌីហ្សាញពិសេសនេះ អាចកើតមានទៅរួចដោយសារការរួមសហការគ្នារវាងបច្ចេកវិទ្យាជាច្រើន។ ក្រុមហ៊ុនបានប្រើប្រាស់បច្ចេកវិទ្យា "Roll Motor” ជាការបំពាក់ម៉ូទ័របង្វិលនៅពីក្រោមអេក្រង់ចំនួនពីរ សម្រាប់ទាញអេក្រង់ចេញ និងចូល។
ក្រុមហ៊ុនក៏បានប្រើបច្ចេកវិទ្យា "Two in One Plate” ដើម្បីទប់ទល់កុំឲ្យអេក្រង់មានបញ្ហា។ ជាចុងក្រោយក្រុមហ៊ុនបានប្រើបច្ចេកវិទ្យាឈ្មោះថា "Warp Track” ដែលដាក់នៅខាងក្រោមអេក្រង់។
យ៉ាងណាក្ដី OPPO មិនបានបញ្ជាក់ឲ្យដឹងអំពីកែប្រែស្មាតហ្វូនប្រភេទ Concept នេះ ចេញជាផលិតផលសម្រេច សម្រាប់លក់លើទីផ្សារនោះទេ។ ទោះបីជាមានការចេញលក់មែន រូបរាងសម្រេចចុងក្រោយអាចនឹងខុសពីរូបរាង Concept៕