ភ្ញាក់ផ្អើល នារីស្រស់ស្អាតជនជាតិថៃម្នាក់ចូលរួមបរិច្ចាគ ហើយផ្ដាំឲ្យជួយប្រាប់ សាយ ផង!

2020-11-23 03:03:29
ចំនួនមតិ 0 | ចំនួនចែករំលែក 0

ចន្លោះមិនឃើញ

បេសកកម្មមនុស្សធម៌របស់សាយ ដើម្បីកុមារកម្ពុជា បានល្បីសាយដល់ក្រៅប្រទេស ហើយថ្ងៃនេះមានសារដ៏គួរមោទនៈភាពមួយជំនួសសាយពីនារីដ៏ស្រស់ស្អាតជនជាតិថៃម្នាក់ បានផ្ដែផ្ដាំទៅកាន់សាយ ខណៈដែលសាយ កំពុងមានវត្ដមាននៅមន្ទីរពេទ្យកុមារអង្គរ ក្នុងខេត្តសៀមរាប។

ស្ត្រីជនជាតិថៃឈ្មោះ Pat Krajangjityossakul បានផ្ដាំតាមរយៈហ្វេនរបស់សាយម្នាក់ឲ្យជួយបង្ហោះសាររបស់គាត់មួយដែលមានខ្លឹមសារថា"អ្នកនាងគាំទ្រសកម្មភាពមនុស្សធម៌របស់សាយ ហើយប្រាប់ឲ្យសាយ ស៊ូៗ ដើម្បីជីវិតកុមារកម្ពុជា។ អ្នកនាង ក៏បានចូលរួមលេងហ្គេមដោយបរិច្ចាគថវិកា១ដុល្លារ ដើម្បីកុមារកម្ពុជាដែរ"។

បេសកកម្មមនុស្សធម៌របស់សាយ ទទួលបានការគាំទ្រច្រើនពីសំណាក់សប្បុរសជនទាំងក្នុង និងក្រៅប្រទេស ដោយអ្នកខ្លះបានចូលរួមគាំទ្រដោយផ្ទាល់ និងខ្លះដោយប្រយោល ប៉ុន្ដែពួកគេបានបរិច្ចាគថវិកាស្ទើរគ្រប់គ្នាដើម្បីជួយសង្គ្រោះកុមារកម្ពុជា តាមរយៈសាយ។ អ្វីដែលធ្វើឲ្យជនបរទេស និងសប្បុរជនក្នុងស្រុកជាច្រើនកោតសរសើទៀតនោះ គឺក្រោយពីលោក រត់ឆ្លងកាត់ខេត្ដ/ក្រុងជាច្រើនលើចម្ងាយផ្លូវជិត២០០០គីឡូម៉ែត្រហើយនោះ។

នៅព្រឹកថ្ងៃទី២៣ ខែវិច្ឆិកា នេះ លោក អ៊ួន បឋម ហៅសាយ កំពុងមានវត្ដមាននៅក្នុងមន្ទីរពេទ្យកុមារអង្គរ ដោយមានតំណាងពីខាងមន្ទីរពេទ្យ និងអាជ្ញាធរ រៀបចំកម្មវិធីមួយដើម្បីបង្ហាញមុខលោកដែលជាសប្បុរសជនឆ្នើម និងជាមនុស្សទី១ដែលរត់បានឆ្ងាយជាងគេ ដើម្បីរ៉ៃអង្គាសប្រាក់មកជួយមន្ទីរពេទ្យ ក្រោមក្រសែភ្នែករបស់អាណាព្យាបាលកុមាររងគ្រោះរាប់រយនាក់។

ដើម្បីបរិច្ចាគ ប្រិយមិត្តអាចបរិច្ចាគបានតាមគណនីធនាគារ ABA : 000 320 555 (Angkor Hospital for Children Limited) ឬ Wing : 52714 (AHC Patient Contributions)។

សម្រាប់ព័ត៌មានលម្អិតក្នុងការចូលរួម ក៏ដូចជាតាមដានចំនួនទឹកប្រាក់ដែលបានបរិច្ចាគ សូមចូលទៅកាន់គេហទំព័រ saicambodianartist.com/ ។ ក្រៅពីគេហទំព័រនេះ ប្រិយមិត្តអាចតាមដានរាល់សកម្មភាពរបស់សាយអំឡុងពេលរត់ តាមរយៈទំព័រហ្វេសប៊ុករបស់ Sai, Channel YouTube របស់សាយ, ទំព័រហ្វេសប៊ុករបស់ Sabay ក៏ដូចជាគេហទំព័រ Sabay៕

អត្ថបទ៖ ជិន សុភ័ក្ដ្រ