ប្រាថ្នារបស់ Jin សម្រាប់ BTS នាថ្ងៃអនាគត អាចឲ្យអ្នកក្ដុកក្ដួលបាន
- 2020-12-04 08:20:26
- ចំនួនមតិ 0 | ចំនួនចែករំលែក 0
ប្រាថ្នារបស់ Jin សម្រាប់ BTS នាថ្ងៃអនាគត អាចឲ្យអ្នកក្ដុកក្ដួលបាន
ចន្លោះមិនឃើញ
Kim Seokjin គឺជាសមាជិកបងគេក្នុងក្រុម BTS និងក៏ជាសមាជិកពូកែលេងសើច និងបង្កភាពរីករាយម្នាក់ដែរក្នុងក្រុម។
រម្លឹកកាលពីភាគចុងក្រោយរបស់វីដេអូឯកសារ «Break The Silence» របស់ BTS RM បាននិយាយថា វាពិបាកបញ្ជាក់ច្បាស់ពីទំនាក់ទំនងរបស់សមាជិកណាស់ ពេលខ្លះមិនយល់ពីគ្នា ពេលខ្លះឈ្លោះគ្នា ប៉ុន្តែទាំងនេះសុទ្ធតែជាការបង្ហាញពីការបារម្ភ និងក្ដីស្រឡាញ់ចំពោះគ្នា។
ដូចមនុស្សទូទៅដែរ BTS ប្រាកដជាមានពេលវេលាពិបាកចិត្ត និងសប្បាយ ប៉ុន្តែរឿងមួយដែលធ្វើឲ្យសមាជិកទាំង អស់មានក្ដីសុខជាងគេគឺពេលបាននៅជុំគ្នា។
Jin បានលើកឡើងបន្តពី RM ដោយបង្ហាញការយល់ឃើញថា បច្ចុប្បន្នគឺបែបនេះ មានន័យថាសមាជិកនៅជុំគ្នា ប៉ុន្តែបើថ្ងៃមុខគ្រប់គ្នាដើរផ្លូវរៀងខ្លួន លោកសង្ឃឹមថាពួកគេនឹងបន្តជួបគ្នាទៀត ក៏ដូចជាចំណាយពេលជាមួយគ្នាឲ្យបានញឹកញាប់ ព្រោះពេលនៅជុំគ្នា ពួកគេសប្បាយចិត្តណាស់។
សម្រាប់ Jin ទោះបីលោកចូលចិត្តសើចសប្បាយ និងពីក្រៅមើលទៅមិនសូវ Serious ខ្លាំង ប៉ុន្តែតាមពិតទៅ លោកចង់ក្លាយជាមនុស្សម្នាក់ដែលសមាជិកទាំងអស់អាចពឹងផ្អែកពេលពិបាកចិត្ត និងទុកចិត្តបាន៕