ផាប់បែប Outdoor បើកថ្មីកណ្តាលក្រុង លេងរូបស្អាតៗតាមជញ្ជាំងឡើងទាក់ភ្នែកកំពុងចុះ២០%

2020-12-25 06:33:09
ចំនួនមតិ 0 | ចំនួនចែករំលែក 0

ចន្លោះមិនឃើញ

បើអ្នកធ្វើដំណើរតាមបណ្តោយផ្លូវត្រសក់ផ្អែម (ផ្លូវលេខ ៦៣) ក្នុងសង្កាត់បឹងកេងកង១ មកដល់កែងផ្លូវលេខ ៣៣៤ (កែងហាងតែគុជ An Cha) បត់ឡើងទៅផ្លូវព្រះមុនីវង្ស អ្នកនឹងប្រទះឃើញហាងថ្មី មានភ្លើងចែងចាំង ស្អាតទាក់ភ្នែកមួយបែប outdoor ឈ្មោះថា Pentagon ។

ទើបបើកទ្វា កាលពី ចុងខែវិច្ឆកា ២០២០នេះ Pentagon គឺជាហាងអាហារបែបផាប់សម័យថ្មីដែលផ្តល់នូវអារម្មណ៍លំហែ ប្រៀបបាននឹងអង្គុយញុំាអី ជជែកគ្នាលេង នៅកណ្តាលសួនច្បារ ប៉ះខ្យល់ត្រជាក់ៗ ស្រស់ស្រាយ មនោរម្យអមដោយសូរតន្ត្រី ដ៏សែនរ៉ូមែនទិច និងកន្ត្រាក់អារម្មណ៍។

លើសពីបរិយាកាសអណ្តែតអណ្តូងនេះ Pentagon ថែមទាំងមានលក់ម្ហូប និង ភេសជ្ជៈជាច្រើនមុខឆ្ងាញ់់ៗ ក្តៅៗ យ៉ាងសម្បូរបែបស្របតាមចំណង់ចំណូលចិត្តមនុស្សសម័យថ្មី ក្នុងតម្លៃសមរម្យ។

សម្រាប់ឱកាសអបអរ ការបើកសម្ពោធហាងថ្មី ក៏ដូចជាឆ្នាំថ្មី Pentagon បានចេញប្រូម៉ូសិនពិសេស ចុះថ្លៃ ២០% លើភេសជ្ជៈគ្រប់ប្រភេទ ព្រមទាំងម្ហូបអាហារយ៉ាងឈ្ងុយឆ្ងាញ់។