ថ្ងៃនេះខួប១១ឆ្នាំ នៃចំណងស្នេហ៍ មាស សុខសោភា! នាងនិយាយពីអារម្មណ៍ពិតជាច្រើន
- 2020-12-29 03:21:42
- ចំនួនមតិ 0 | ចំនួនចែករំលែក 0
ថ្ងៃនេះខួប១១ឆ្នាំ នៃចំណងស្នេហ៍ មាស សុខសោភា! នាងនិយាយពីអារម្មណ៍ពិតជាច្រើន
ចន្លោះមិនឃើញ
តារាចម្រៀង មាស សុខសោភា បានបញ្ចេញសារផ្អែមល្ហែម និងកក់ក្ដៅបំផុតក្នុងថ្ងៃខួប១១ឆ្នាំ នៃទំនាក់ទំនងស្នេហាស៊ីជម្រៅជាមួយអាណិកជនខ្មែររស់នៅប្រទេសកាណាដា គឺលោក អ៊ិត រ៉ាដា។ ប៉ុន្តែសារបង្កប់នូវអត្ថន័យស្នេហាល្អូកល្អិនដែលនាងបានបញ្ចេញយប់មិញនេះ ពុំមានភ្ជាប់រូបថតថ្មីៗរបស់នាង ជាមួយសង្សារឡើយ ពោលគឺមានតែរូបថតនាងម្នាក់ឯង និងរូបចាស់១សន្លឹកជាមួយសង្សារប៉ុណ្ណោះ។
ទោះជាយ៉ាងណា មាស សុខសោភា និយាយថា រូបនាង និងសង្សារនៅក្បែរគ្នា រង់ចាំផ្ដល់កម្លាំងចិត្តឲ្យគ្នាគ្រប់ពេលវេលា សូម្បីតែបែក៥នាទីក៏នឹកដល់គ្នា។ នាងថា សុភមង្គល និងក្ដីសុខពិតប្រាកដ គឺបាននៅជាមួយមនុស្សម្នាក់ដែលអាចទទួលយកអ្វីៗគ្រប់យ៉ាងពីនាង និងហ៊ានលះបង់អ្វីៗគ្រប់យ៉ាងដើម្បីនាង។
មាស សុខសោភា៖"រីករាយថ្ងៃខួប១១ឆ្នាំរបស់យើង អគុណគ្រប់យ៉ាងដែលបានធ្វើដើម្បីខ្ញុំ វាជាក្ដីសុបិនមួយដែលក្លាយជាការស្រឡាញ់ពិតប្រាកដ"។
ចូលដល់ឆ្នាំ២០២១ ប៉ុន្មានថ្ងៃខាងមុខទៀតនេះ មាស សុខសោភា មានវ័យ៣៩ឆ្នាំហើយ។ ត្បិតថា ទំនាក់ទំនងស្នេហារបស់តារាចម្រៀងរូបនេះកម្របញ្ចេញឲ្យប្រិយមិត្តបានដឹងដូចគូរស្នេហ៍តារាដទៃ ប៉ុន្តែសោភា ធ្លាប់ចូលវិហាររៀបការតាមបែបសាសនាគ្រិស្ដជាមួយគ្រូពេទ្យ អ៊ិត រ៉ាដា ដែលជាអាណិកជនខ្មែររស់នៅប្រទេសកាណាដា កាលពីឆ្នាំ២០០៨។ ប៉ុន្តែបច្ចុប្បន្នពួកគេរស់នៅក្នុងប្រទេសពីរផ្សេងគ្នា៕