ក្រោយស្មើ Eibar លោក Koeman ថា Barca ពិបាកឈ្នះ La Liga
- 2020-12-30 01:46:12
- ចំនួនមតិ 0 | ចំនួនចែករំលែក 0
ក្រោយស្មើ Eibar លោក Koeman ថា Barca ពិបាកឈ្នះ La Liga
ចន្លោះមិនឃើញ
ក្រុមអ្នកមានបុណ្យ FC Barcelona លេងបានត្រឹមស្មើជាមួយក្រុម Eibar ក្នុងលទ្ធផល ១-១ ប៉ុណ្ណោះសម្រាប់ការប្រកួត La Liga នៅយប់មិញនេះ។
ក្រុម FC Barcelona បើទោះជាលេងនៅក្នុងដីខ្លួនឯងក៏ពួកគេហាក់ដូចជាមិនអាចបង្ហាញទម្រង់លេងល្អនោះទេ ខណៈដែលអវត្ដមានប្រធានក្រុម Lionel Messi ទៀតវាកាន់តែធ្វើឱ្យពួកគេពិបាករកគ្រាប់បាល់។ ជាក់ស្ដែងនៅយប់មិញនេះ Eibar រកបាន១គ្រាប់មុនថែមទៀត ដោយ Kike នៅនាទី៥៧ មុនពេល Dembele រកគ្រាប់បាល់តាមស្មើបានវិញនៅនាទី៦៧។ លទ្ធផលនេះមិនមានអ្វីប្រែប្រួលទេ ដោយបានត្រឹមស្មើគ្នា ១-១។
ជាមួយការបាន១ពិន្ទុនេះដែរ បានធ្វើឱ្យលោក Ronald Koeman បាននិយាយថាក្រុមអ្នកមានបុណ្យពិតជាពិបាកក្នុងការប្រជែងពានរង្វាន់ La Liga ហើយ។ ដោយនេះគិតតាមទម្រង់លេង និងពិន្ទុដែលមាននៅពេលបច្ចុប្បន្ននេះ។ ក្រុម Barcelona ស្ថិតនៅលេខ៦ក្នុងតារាង មាន២៥ពិន្ទុឆ្លងកាត់១៥ប្រកួត ស្របពេលក្រុមកំពូលតារាង Atletico Madrid វិញមាន៣២ពិន្ទុ ហើយទើបតែ១៣ប្រកួតប៉ុណ្ណោះ៕