Telegram ឡើងកូដខ្លាំង ក្រោយពេល Twitter ត្រាំត្រូវបណ្ដាញសង្គមធំៗបិទអស់
- 2021-01-13 03:20:13
- ចំនួនមតិ 0 | ចំនួនចែករំលែក 0
Telegram ឡើងកូដខ្លាំង ក្រោយពេល Twitter ត្រាំត្រូវបណ្ដាញសង្គមធំៗបិទអស់
ចន្លោះមិនឃើញ
នៅថ្ងៃនេះ ក្រុមហ៊ុន Telegram បានចេញផ្សាយនូវទិន្នន័យចំនួនអ្នកប្រើប្រាស់ជាប្រចាំថ្ងៃ (Active users) កើនដល់ចំនួន ៥០០ លាននាក់ និងជាពិសេសនោះក្នុងរយៈពេល ៧២ ម៉ោងចុងក្រោយ (៣ថ្ងៃ)កើនចំនួនអ្នកប្រើប្រាស់ថ្មីៗចូលមកដោនឡូតដល់ ២៥ លាននាក់ ជាចំនួនដ៏ខ្ពស់មួយក្នុងចំណោមកម្មវិធីផ្ញើសារឆ្លងឆ្លើយល្បីៗដទៃទៀត។
ព្រឹត្តិការណ៍ធំៗ២ដែលធ្វើឲ្យបណ្ដាញទំនាក់ទំនង Telegram ឡើងកូដខ្លាំងបែបនេះគឺ WhatApp ជាគូប្រជែងផ្លាស់ប្តូរគោលការណ៍តម្រូវឲ្យអ្នកប្រើធ្វើតាមខ្លួនដោយចែករំលែកទិន្នន័យផ្ទាល់ខ្លួនរបស់ពួកគេទៅកាន់ Facebook ដើម្បីឱ្យកម្មវិធីដំណើរការការល្អ និងមានការគាំទ្រពី Facebook និងព្រឹត្តិការណ៍នយោបាយនៅអាមេរិក ក្រោយពេលគណនី Twitter អតីតប្រធានាធិបតី ដូណាល់ត្រាំ ត្រូវបណ្ដាញសង្គមធំៗបិទទាំងអស់ Twitter, Instagram, WhatApp និង Facebook ជាដើម។ ស្របពេលដែលកើតមានការលុកលុយវិមានកាពីតូលដ៏សាហាវដោយអ្នកគាំទ្រលោកត្រាំ មានប្រដាប់អាវុធ និងហានិភ័យនៃការញុះញង់ឲ្យមានអំពើហិង្សានៅពេលថ្មីៗនេះ។
លើសពីនេះផងដែរ កាសែតល្បីរបស់អង់គ្លេស Telegraph បានចុះផ្សាយថា កាលពីថ្ងៃចន្ទថា ប្រជាជនអាមេរិកប្រហែលជាងកន្លះលាននាក់ (៥៤៥,០០០) បានងាកមកដោនឡូតកម្មវិធី Telegram នៅចន្លោះថ្ងៃពុធ និងថ្ងៃអាទិត្យ ដែលមានចំនួនជិត ៣ ដង បើប្រៀបធៀបទៅនឹងរយៈពេលដូចគ្នាកាលពីសប្តាហ៍មុន៕