យប់មិញ បាល់ដាច់ចំណេញខាង Liverpool ស្រាប់តែអាជ្ញាកណ្ដាលផ្លុំបញ្ចប់មុន៥វិនាទី

2021-01-18 03:51:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានក្រុមរបស់ Liverpoo កីឡាករ Jordan Henderson បាននិយាយថា ក្រុមមិនសប្បាយចិត្តជាមួយអាជ្ញាកណ្ដាល Paul Tierney អំឡុងពេលការប្រកួតលទ្ធផល ០-០ ជាមួយ Manchester United ឡើយ។

ក្រុមលោក Jurgen Klopp មិនអាចបំបែកកំពែងខ្សែការពាររបស់ United បានឡើយនៅកីឡដ្ឋាន Anfield។ នេះគឺជាការប្រកួតទី៣ក្នុងលីគជាប់គ្នាហើយ ដែល Liverpool មិនអាចរកគ្រាប់បាល់បាន។ ប៉ុន្តែការប្រកួតយប់មិញ ពួកគេមានឱកាសល្អបំផុតមួយដើម្បីរកគ្រាប់បាល់នៅវគ្គទីមួយ ប្រសិនបើអាជ្ញាកណ្ដាល Paul Tierney មិនផ្លុំកញ្ចែបញ្ចប់ការប្រកួតមុន៥វិនាទី។

Sadio Mane បានរត់ពីក្រោយខ្សែការពាររបស់ Man Utd ទទួលយកបាល់យ៉ាងស្អាតពីការបោះពីចម្ងាយ ប៉ុន្តែស្រាប់តែភ្លាមៗនោះអាជ្ញាកណ្ដាលបានផ្លុំកញ្ចែបញ្ចប់ការប្រកួត ខណៈសល់៥វិនាទីទៀត។

ក្រោយបញ្ចប់ការប្រកួត Henderson ដែលលេងជាខ្សែការពារក្នុងការប្រកួតនេះបានបង្ហាញអារម្មណ៍មិនសប្បាយចិត្តជាមួយលោកអាជ្ញាកណ្ដាល។ គេបាននិយាយថា Liverpool មិនរីករាយឡើយសម្រាប់រូបភាពបែបនេះ។ វាពិតជាចម្លែកណាស់៕

ប្រភព៖ Dailymail ប្រែសម្រួល៖ ហេង សុធារិទ្ធិ