មានការទាមទារឲ្យ Apple ដក Telegram ចេញពី App Store
- 2021-01-19 02:37:45
- ចំនួនមតិ 0 | ចំនួនចែករំលែក 0
មានការទាមទារឲ្យ Apple ដក Telegram ចេញពី App Store
ចន្លោះមិនឃើញ
ផ្អែកតាមការចុះផ្សាយរបស់ The Washington Post អង្គការមិនរកប្រាក់កម្រៃរបស់អាមេរិកឈ្មោះថា Coalition for Safer Web បានទាមទារឲ្យមានការដកចេញនូវកម្មវិធីផ្ញើសារ Telegram ចេញពី Apple App Store។
អង្គការ Coalition for Safer Web បានដាក់ពាក្យបណ្ដឹង ដែលបានចោទប្រកាន់ថ្នាក់ដឹកនាំរបស់ Telegram ថាមិនបានប្រយុទ្ធប្រឆាំងនឹងការអំពាវនាវឲ្យមានអំពើហិង្សា និងសារដែលមានមាតិកាជ្រុលនិយម។ ជាក់ស្ដែង គេបានលើកឡើងអំពីហេតុការណ៍សម្រុកចូលវិមានកាពីតូលកាលពីដើមខែមករាកន្លងទៅ។ ក្នុងពាក្យបណ្ដឹងមាននិយាយថា Telegram បានល្មើសនឹងលក្ខខណ្ឌនៃសេវាកម្មរបស់ App Store។
ដើមបណ្ដឹងបានធ្វើការទាមទារឲ្យដក Telegram ចេញពី App Store។ បន្ថែមពីនេះក៏មានការរាយការណ៍ថាអង្គការខាងលើគ្រោងនឹងស្នើសុំតុលាការឲ្យដក Telegram ចេញពី Google Play Store ផងដែរ។
គេនៅមិនទាន់ច្បាស់នៅឡើយទេថា Apple នឹងដក Telegram ចេញពី App Store តាមការទាមទារឬយ៉ាងណា ប៉ុន្តែស្ថាបនិក Telegram ធ្លាប់បាននិយាយថាពួកគេកំពុងធ្វើការលើ Telegram ដំណើរការលើវិបសាយដែលមានមុខងារកាន់តែសម្បូរបែប អាចដំណើរការលើកម្មវិធី Safari ដែលជាការត្រៀមក្នុងករណី Apple ហាមឃាត់ Telegram លើប្រព័ន្ធ iOS៕