វីវរហើយ ស្រីស្អាត គឹមហួរ មានបញ្ហាធ្ងន់ធ្ងរជាមួយបុរសម្នាក់ រហូតទ្រាំទៀតលែងបាន!
- 2021-01-21 07:10:52
- ចំនួនមតិ 0 | ចំនួនចែករំលែក 0
វីវរហើយ ស្រីស្អាត គឹមហួរ មានបញ្ហាធ្ងន់ធ្ងរជាមួយបុរសម្នាក់ រហូតទ្រាំទៀតលែងបាន!
ចន្លោះមិនឃើញ
ស្រីស្អាត គឹមហួរ ដែលបានគេស្គាល់ច្រើនតាមរយៈបទ "បងមិនមែនជាធនាគារ" នោះ ព្រឹកមិញនេះ នាងបានបញ្ចេញរឿងដែលនាងមានបញ្ហាជាមួយបុរសម្នាក់ ដោយសារតែបុរសនោះតាមរំខានធ្វើឲ្យនាងដេកមិនលក់បក់មិនល្ហើយ។
គឹមហួរ បានធ្វើការប្រកាសរឿងនេះទាំងព្រឹកតែម្ដងនៅលើបណ្ដាញសង្គមរបស់ខ្លួន ធ្វើឲ្យមានការភ្ញាក់ផ្អើលក្នុងចំណោមអ្នកស្គាល់ ក៏ដូចជាប្រិយមិត្តអ្នកគាំទ្ររបស់នាង។ ដោយភ្ជាប់ជាមួយរូបថតមួយចំនួនមកជាមួយផង តារាស្រី បានឲ្យដឹងថា នាង និងបុរសក្នុងរូប មិនដែលស្គាល់ទេ។ ប៉ុន្តែ មិនដឹងថាមានចេតនាយ៉ាងណា បុរសនោះ បានតាមរញ៉េរញ៉ៃនាងមិនឈប់ ប៉ុន្តែនាងមិនដែលធ្វើការព្រមាននោះទេ ទើបតែពេលនេះប៉ុណ្ណោះ។
តារាស្រីសម្រស់ឆើតរូបនេះ បានសរសេរថា "បញ្ជាក់បុគ្គលម្នាក់នេះគាត់តែងតែព្យាយាមរញ៉េរញ៉ៃខ្ញុំជានិច្ចទាំងដែលខ្ញុំមិនដែលស្គាល់សោះ មិនដឹងថាគាត់ចេញមកពីប្រភពណាផង!”។ គឹមហួរ មិនបានបញ្ជាក់ឡើយថា បុរសខាងលើបានធ្វើអ្វីខ្លះមកលើនាង ប៉ុន្តែតាមរូបភាពដែលនាងភ្ជាប់មក គេឃើញថា បុរសវ័យក្មេងរូបនោះ តែងតែយករូបនាង ទៅបង្ហោះភ្ជាប់ជាមួយរូបរបស់គេ ហើយសរសេរសារផ្ដេសផ្ដាស ដែលពេលខ្លះ នាងមិនដឹងថា បុរសនោះចង់និយាយពីអ្វី។
ប៉ុន្តែថា សកម្មភាពនេះ ពិតជារំខានដល់នាងណាស់។ គឹមហួរ ថ្លែង៖" ខ្ញុំ សូមផ្ដាំសម្រាប់អ្នកដែលនៅខេត្តបាត់ដំបង ឬសាច់ញាតិរបស់ម្នាក់ហ្នឹង ជួយប្រាប់គាត់ផងបើពុំដូច្នោះទេ បើនៅតែព្យាយាមរញ៉េរញ៉ៃខ្ញុំបែបនេះទៀត ខ្ញុំជួបលើកក្រោយទៀតខ្ញុំនឹងចាត់វិធានការទៅតាមច្បាប់...”។
តារាស្រីវ័យក្មេង នៅបានបញ្ជាក់ទៀតថា សកម្មភាពឆាឆៅមកលើរបស់បុរសខាងលើចំពោះរូបនាង គឺមានច្រើនជាងអ្វីដែលបានបង្ហាញនៅព្រឹកនេះទៅទៀត។ នាងនិយាយថា "នៅមានរឿងច្រើនទៀតដែលគាត់ធ្វើឲ្យខ្ញុំឈឺក្បាល ហើយនិយាយជាលើកចុងក្រោយហើយ ពីព្រោះម្នាក់នេះខ្ញុំនិយាយជាមួយអត់ដឹងក្បាលដឹងកន្ទុយអីទេនិយាយរួម ស្មាទោស(ខមាទោស)ដូចមនុស្សអត់គ្រប់ទឹកចឹង!”។
គឹមហួរ មានស្រុកកំណើតនៅខេត្តកំពត ហើយនាងជាអតីតFreshie ឆ្នាំ២០១៤ នាងទើបតែលេចមុខខ្លាំងនៅចុងឆ្នាំ ២០២០ ក្រោយបានចូលរួមសម្ដែងក្នុងវីដេអូចម្រៀងជាច្រើនរបស់ហង្សមាស ដូចជា បទរបស់ ខេមរៈ សរិរីមន្ដ សុំ សុវណ្ណារ៉ាក់, នី រតនា ណុប បាយ៉ារិទ្ធ និង ថែល ថៃ ជាដើម។ ស្នាដៃលេចធ្លោចុងក្រោយមួយរបស់នាង គឺតាមរយៈវីដេអូចម្រៀងបទ "បងមិនមែនជាធនាគារ" ច្រៀងដោយលោក អៀង វុត្ថា៕