ចប់ Pre Season ហេតុផល៣យ៉ាងដែលគ្រប់គ្នាមិនអាចមើលរំលងភ្នំពេញក្រោន
- 2021-02-15 02:38:46
- ចំនួនមតិ 0 | ចំនួនចែករំលែក 0
ចប់ Pre Season ហេតុផល៣យ៉ាងដែលគ្រប់គ្នាមិនអាចមើលរំលងភ្នំពេញក្រោន
ចន្លោះមិនឃើញ
ក្រោយចប់ការប្រកួតពានបើករដូវកាលពីពេលថ្មីៗនេះ ភ្នំពេញក្រោនបានក្លាយជាជើងឯកពានបើករដូវកាលរបស់វិសាខា ដែលសុទ្ធតែក្រុមខ្លាំងមាន Angkor Tiger វិសាខា និងស្វាយរៀង។
យ៉ាងណាក្រោយចប់ការប្រកួតពាននេះគេមិនអាចមើលរំលងភ្នំពេញក្រោនបានឡើយ ក្រោមហេតុផល៣ខាងក្រោមនេះ សម្រាប់រដូវកាល២០២១៖
១-យកឈ្នះវិសាខា ជាមួយទម្រង់លេងគួរឲ្យភ្ញាក់ផ្អើល៖ គ្រប់គ្នាសុទ្ធតែបានឃើញហើយថា វិសាខា បានប្រើទម្រង់លេងយ៉ាងល្អរបស់ខ្លួនយកឈ្នះទៅលើក្រុមខ្លាំងស្វាយរៀង២ដង ក្នុងការប្រកួតពានបើករដូវកាលរបស់ Tiger ម្ដង និងពានរបស់ខ្លួនម្ដង។ ប៉ុន្តែពេលប៉ះភ្នំពេញក្រោនវិសាខា បែរជាគ្រប់គ្រងស្ថានការណ៍មិនបាន បើទោះនាំមុខរហូត២-០មុនក៏ដោយ ហើយពួកគេបែរជាចាញ់ភ្នំពេញក្រោនវិញ ៣-២ នៅចុងម៉ោង។ បើមើលទៅលើប្រកួតនោះភ្នំពេញក្រោនបានប្រើទម្រង់លេងបាល់ខ្លី បានយ៉ាងល្អគួរឲ្យភ្ញាក់ផ្អើល និងបង្កើតឱកាសស៊ុតវិសាខាច្រើនលើកច្រើនសារ រហូតរកបានជ័យជម្នះ។
២-ឆន្ទៈក្រុម និងការបង្កើតឱកាស៖ ក្រោមការដឹកនាំរបស់គ្រូបង្វឹកថ្មីលោក Oleg Starynskyi ត្រូវបានគេមើលឃើញថា គ្រូបង្វឹកថ្មីរូបនេះហាក់ជាចំណែកថ្មីមួយជួយឲ្យកីឡាកររបស់ក្រុមបង្ហាញនូវទម្រង់លេងល្អខ្លាំងបែបនេះ។ ជាការពិតបាល់ទាត់អាចនិយាយបានថា ពឹងផ្អែកមួយផ្នែកលើសំណាង ប៉ុន្តែសំណាងទាំងអស់មិនមែនចេះតែកើតមានគ្រប់ក្រុមនោះទេ គឺវាកើតមកបានលុះត្រាតែក្រុមនោះបានបង្កើតឱកាសសម្រាប់ខ្លួនឯងផងដែរ។ ជាក់ស្ដែងដូចជាភ្នំពេញក្រោនបានបង្កើតឱកាសយ៉ាងច្រើនសម្រាប់ខ្លួនឯង ក្នុងការប្រកួតបើករដូវកាលកន្លងទៅ។
៣-ធនធានកីឡាករគ្រប់គ្រាន់៖ ភ្នំពេញក្រោនជាក្រុមដែលមានធនធានកីឡាករខ្មែរគ្រប់គ្រាន់ ហើយក្រុមនេះ បានប្រកាសជាផ្លូវការថា កំណត់គោលដៅលើកពានសម្រាប់រដូវកាល២០២១ ។ ដូច្នេះបើសិនក្រុមនេះដាក់គោលដៅបែបនេះ គ្រាន់តែចាយលុយទិញកីឡាករបរទេសល្អៗ ពិតណាស់ រដូវកាល២០២១ភ្នំពេញក្រោនមិនអាចមើលរំលងបាន។ បើមើលទៅលើកីឡាករបរទេសបច្ចុប្បន្នរបស់ភ្នំពេញក្រោន សុទ្ធតែលេងល្អ ពិសេសគឺខ្សែប្រយុទ្ធ Matheus Sousa ជាដើម។ គោលដៅសម្រាប់ឆ្នាំនេះ លោក កែវ សុខងន អ្នកចាត់ការក្រុមភ្នំពេញក្រោនបាន កំណត់ថា នឹងយកកីឡាករបរទេសទី៥ ដ៏ល្អម្នាក់បន្ថែមទៀត៕