លេងសើចណាស់ បទថ្មី ព្រាប សុវត្ថិ-សីម៉ា ទើបចេញ ហែកកេរ្តិ៍ប្រុសៗ ឲ្យស្រីៗដឹងស្ទើរអស់
- 2021-02-17 07:53:22
- ចំនួនមតិ 0 | ចំនួនចែករំលែក 0
លេងសើចណាស់ បទថ្មី ព្រាប សុវត្ថិ-សីម៉ា ទើបចេញ ហែកកេរ្តិ៍ប្រុសៗ ឲ្យស្រីៗដឹងស្ទើរអស់
ចន្លោះមិនឃើញ
ផលិតកម្ម Galaxy Navatra បានបញ្ចេញបទថ្មីច្រើនឡើងៗ និងរឹតតែប្លែកឡើងៗ ដែលក្នុងនោះក្រោយពីបើកកកាយចំណុចហួសចិត្តក្នុងខ្សែភាពយន្តឥណ្ឌា ឥឡូវនេះ បទថ្មីរបស់ ព្រាប សុវត្ថិ និង តន់ ចន្ទសីម៉ា រឹតតែប្លែកទៀត ដោយប្រាប់អស់ក្បួនខូចក្នុងគម្ពីររបស់ប្រុសឲ្យស្រីៗដឹងស្ទើរអស់។
បទនោះ មានចំណងជើងថា "គ្រប់យ៉ាងក៏ព្រោះតែមេ" ដែលទើបនឹងចេញនៅថ្ងៃនេះ ហើយបានធ្វើឱ្យមានការចាប់អារម្មណ៍ពីគាំទ្រយ៉ាងខ្លាំង ព្រោះតែចង្វាក់នៃបទចម្រៀងនេះស្តាប់ទៅពីរោះប្លែក និងស្រួលរាំទៀតផង។ ពិសេសជាងនេះ គឺថា បទនេះ ត្រូវរឿងប្រុសៗណាស់ ហើយស្រីៗក៏ពេញចិត្តណាស់ដែរ ព្រោះដឹងរឿងប្រុសស្ទើរគ្មានសល់។
តាមអត្ថន័យរបស់ MV ថ្មីនេះ គឺថា បង្ហាញពីតថភាពពិតនៅក្នុងក្រុមគ្រួសារមួយចំនួន ដែលស្វាមីជាអ្នកចេញធ្វើការក្រៅផ្ទះ។ ច្បាស់ណាស់ការងារតែងមានមេ មានកើយ ហើយពេលខ្លះ ក៏មានធ្វើការលើសម៉ោងអីជាដើម។ មួយវិញទៀត ពេលខ្លះក៏ត្រូវមេ ហៅទៅអមដំណើរ ដើរដាច់យប់អីជាដើមដែរ។ ជារួមមិនមែន "អ្វីៗព្រោះតែអូន" ដែលជាបទអតីតកាលរបស់លោក ព្រាប សុវត្ថិ នោះទេ តែ "អ្វីៗព្រោះតែមេ" នាពេលបច្ចុប្បន្ន។
មួយបទនេះ ស្រីៗដឹងឬកស្ទើរអស់ហើយ ប្រុសៗគ្នាយើង!