ក្ដៅៗ! Dispatch ទម្លាយថា G-Dragon និង Jennie ទាក់ទងស្រឡាញ់គ្នាស្ងាត់ៗជាង ១ឆ្នាំហើយ
- 2021-02-24 03:24:48
- ចំនួនមតិ 0 | ចំនួនចែករំលែក 0
ក្ដៅៗ! Dispatch ទម្លាយថា G-Dragon និង Jennie ទាក់ទងស្រឡាញ់គ្នាស្ងាត់ៗជាង ១ឆ្នាំហើយ
ចន្លោះមិនឃើញ
យោងតាមវិបសាយ Dispatch បានឲ្យដឹងថា G-Dragon (BIGBANG) និង Jennie (BLACKPINK) ត្រូវគេប្រទះឃើញថាបានណាត់ជួបគ្នាជាច្រើនដងរយៈពេលជាង ១ឆ្នាំហើយ។
Jennie ធ្លាប់បានបង្ហាញមុខដំបូងកាលពីឆ្នាំ ២០១២ ក្នុងវីដេអូបទចម្រៀង «That XX» របស់ G-Dragon។ រហូតដល់ឆ្នាំ ២០១៣ Jennie ក៏មានឱកាសច្រៀងជាមួយ G-Dragon សម្រាប់បទចម្រៀងក្នុងអាល់ប៊ុម «BLACK»។
រយៈពេល ៨ឆ្នាំបានកន្លងផុតតាំងពីពេលនោះមក ហើយសង្កេតឃើញថាពួកគេទាំង ២តែងសម្ដែងការគាំទ្រគ្នាទៅវិញទៅមកជានិច្ច។
ជាក់ស្ដែង Dispatch បានប្រទះឃើញអ្នកទាំង ២ ណាត់ជួបគ្នាយ៉ាងសំងាត់ ភាគច្រើនក្នុងវីឡាដ៏ទាន់សម័យរបស់ G-Dragon ដែលស្ថិតក្នុង Hannam-Dong។ ប្រការដែលសំខាន់ Penthouse របស់ GD គឺពេញទៅដោយប្រព័ន្ធការពារសុវត្ថិភាព និងលាក់ពីភ្នែកខាងក្រៅបានយ៉ាងជិតល្អ ហើយមុននឹងអាចចូលទៅដល់ក្នុង ត្រូវឆ្លងកាត់ទ្វារសុវត្ថិភាពសិន ប៉ុន្តែ Jennie ចូលបានភ្លាមៗដោយគ្មានបញ្ហា ទោះបីមិនមែនជាម្ចាស់ផ្ទះក៏ដោយ។
បើតានប្រភពដដែល ទម្លាប់របស់ Jennie ត្រូវធ្វើការងារចប់ រួចទៅផ្ទះ G-Dragon ហើយបានទៅផ្ទះរបស់នាង។ ទំនាក់ទំនងមួយនេះរក្សាបានយ៉ាងជិតល្អជាមួយនឹង YG។ ឯអ្នកចាត់ការទូទៅរបស់នាង មាននាទីជូននាងពីផ្ទះ G-Dragon បើមិនដូច្នោះក៏នៅមានអ្នកចាត់ការរបស់ G-Dragon ជាអ្នកជូនដែរ។
យ៉ាងណាមិញប្រភពជិតស្និទ្ធរបស់អ្នកទាំង ២បានបង្ហើបប្រាប់ Dispatch ថា៖ «អ្នកនៅ YG ដឹងរឿងស្នេហារបស់ពួកគេទាំង ២ច្រើនណាស់ ឯម្ដាយរបស់ Jennie ក៏ដឹងដែរ ហើយគាត់ក៏សប្បាយចិត្តដែល G-Dragon មើលថែកូនគាត់បានយ៉ាងល្អ»។
ដោយឡែកជាការឆ្លើយតបចំពោះព័ត៌មាននេះ ផលិតកម្ម YG បានសរសេរថា៖ «វាពិតជាពិបាកសម្រាប់ក្រុមហ៊ុនក្នុងការបញ្ជាក់ថាវាពិត ឬមិនពិត ព្រោះថានេះគឺជាជីវិតឯកជនរបស់តារាៗ។ យើងសង្ឃឹមថាអ្នកគ្រប់គ្នានឹងយោគយល់»៕