ទំហំដឹកជញ្ជូនស្មាតហ្វូនទីកាន់ទីផ្សារសកលលោក ហាក់មានការកើនឡើងដល់ទៅ ៥០% នៅក្នុងត្រីមាសដំបូងនៃ ឆ្នាំ២០២១នេះ ហើយចំនួនកើតឡើងដ៏ធំនេះ ក៏ព្រោះតែមានកម្លាំងជម្រុញពីតម្រូវការអ្នកប្រើប្រាស់ iPhone 12 Pro និង 12 Pro Max។ នេះបើយោងទៅតាមរបាយការណ៍ស្រាវជ្រាវពី Digitimes Research។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ចំនួនកើនឡើង ៥០% នឹងធ្វើឱ្យការដឹកជញ្ជូនជាសកលនោះ មានចំនួនប្រមាណ ៣៤០លានស្មាតហ្វូន ដោយក្នុងនោះ ប្រភពខាងលើបន្ថែមថា ក្នុងត្រីមាសដំបូងនៃឆ្នាំ២០២១ Apple ត្រូវបានគេរំពឹងថា នឹងនាំចេញ iPhone ប្រមាណ ៦០លានគ្រឿងឯណោះ។

ទោះយ៉ាងណាក៏ដោយ Apple ទំនងអាចក្លាយជាអ្នកលក់ស្មាតហ្វូនដាច់ជាងគេ ក្នុងអំឡុងរយៈពេល ៦ខែ ដែលបញ្ចប់នៅថ្ងៃទី៣១ ខែមីនា ឆ្នាំ២០២១ ជាមួយនឹងការនាំចេញ iPhone សរុបជាង ១៥០លានគ្រឿង ដោយមានការកើនឡើង ៣៨% បើធៀបនឹងរយៈពេលដូចគ្នា កាលពីឆ្នាំមុន៕

ប្រភព៖ 9to5Mac   ប្រែ​សម្រួល៖ កុសល