ថមមី ប្រាប់ស្ថានភាពសុខភាពរបស់ភរិយា និងលទ្ធផលធ្វើតេស្ដរកជំងឺកូវីដ-១៩ លើគ្រួសារទាំងមូល

2021-03-26 03:09:35
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹមយប់មិញនេះ គ្រួសារតារាចម្រៀងស្រីប្រចាំនៅផលិតកម្មរស្មីហង្សមាស សួស វីហ្សា មានភាពប្រសើរមិនគួរឲ្យជឿ ពោលគឺអ្នកនាង សួស វីហ្សា ដែលបានឆ្លងជំងឺកូវីដ-១៩នោះ ចាប់ផ្ដើមដឹងរសជាតិ ក្លិន និងបាត់ឈឺបំពង់ករ។

រីឯសំណាករបស់កូនស្រីសួស វីហ្សា និងក្រុមគ្រួសាររបស់នាងទាំងអស់ត្រូវបានគ្រូពេទ្យជំនាញប្រមូលយកពីពិនិត្យលើស៧៨ម៉ោងហើយ តែមិនទាន់ជូនដំណឹងមកវិញដែលការណ៍ធ្វើឲ្យលោកថមមីយល់ថាការឆ្លងជំងឺកូវីដ-១៩ ចំពោះកូនស្រី និងសមាជិកគ្រួសារដទៃទៀតគឺមានភាគរយតិច។

ដំណឹងស្ដីពីស្ថានភាពគ្រួសារនេះ ត្រូវបានបញ្ចេញដោយស្វាមីរបស់ សួស វីហ្សា គឺលោក ថមមី តាមបណ្ដាញសង្គមFacebook។ លោកថា៖"លើស៧៨ម៉ោងហើយ ដូច្នេះមានន័យថាអ្នកផ្ទះខ្ញុំទាំងអស់គ្នា រួមទាំងកូនស្រី ថង សាម៉ូលីណា គឺមិនមានផ្ទុកមេរោគកូវីដ-១៩ នោះទេ"។

សូមរំលឹកថា តារាចម្រៀងសួស វីហ្សា ត្រូវបានគេរកឃើញថាវិជ្ជមានជំងឺកូវីដ-១៩ ក្នុងលទ្ធផលធ្វើតេស្ដលើកទី៣ ខណៈលទ្ធផលធ្វើតេស្ដលើកទី៣របស់ស្វាមីនាងអវិជ្ជមាន។ អ្នកនាង សួស វីហ្សា ត្រូវបានគ្រូពេទ្យដឹកទៅសម្រាក និងព្យាបាលនៅសណ្ឋាគារ Great Duke កាលពីថ្ងៃទី២២ ខែមីនា ឆ្នាំ២០២១។ រីឯកូនស្រីរបស់នាង និងគ្រួសារទាំងមូលត្រូវបានគ្រូពេទ្យណែនាំឲ្យធ្វើចត្ដាឡីស័ករយៈពេល១៤ថ្ងៃ បន្ទាប់ពីប្រមូលយកសំណាកទៅធ្វើតេស្តភ្លាមៗនោះ៕

អត្ថបទ៖ ជិន សុភ័ក្ដ្រ