ប្រាសាទបុរាណខ្មែរត្រូវបាន Google រក្សាទុកក្នុង App មិនឲ្យបាត់បង់

2021-04-06 02:05:32
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីទូរសព្ទដៃឈ្មោះថា Google Arts and Culture បង្កើតដោយ Google បានចាប់ដៃគូជាមួយអង្គការមិនរកប្រាក់ចំណេញ CyArk ជំនាញខាងស្កេនបែប 3D ដើម្បីជួយថែរក្សាតំបន់ប្រវត្តិសាស្ត្រជុំវិញពិភពលោកប្រឈមនឹងការបាត់បង់ និងរងការខូចខាតដោយសារស្នាដៃមនុស្ស ឬគ្រោះធម្មជាតិជាយថាហេតុណាមួយ។

ប្រាសាទបុរាណខ្មែរ នៅលើ Apps

គម្រោងការជាដៃគូនេះមានឈ្មោះថា [Open Hetirage](https://artsandculture.google.com/project/cyark "") ដែលនឹងប្រើ បច្ចេកវិទ្យាស្កេន 3D របស់ CyArk ចាប់យកទិន្នន័យ និងរូបភាពរបស់តំបន់ប្រវត្តិសាស្ត្រមួយដើម្បីបង្កើតវាឡើងវិញក្នុងលក្ខណៈជាសិប្បនិម្មិត (Virtual Reality)។ ដូចនេះ គេអាចរក្សាទុកតំបន់ប្រវត្តិសាស្ត្រទាំងនោះនិងអាចមើលវាលើអនឡាញបានមិនថាតាមរយៈកុំព្យូទ័រ, ទូរសព្ទ ឬ តាមឧបករណ៍ VR នោះទេ។

កម្មវិធីនេះផងដែរបានដាក់បញ្ចូលលើកម្មវិធី Google Arts and Culture អាចដោនឡូតបានទាំង iOS និង Android ដើម្បីឲ្យអ្នកប្រើប្រាស់បានចូលទស្សនាតំបន់ប្រវត្តិសាស្ត្រនានាបែប 3D ក្នុងនោះគេក៏បានបញ្ចូលតំបន់ប្រវត្តិសាស្ត្រ និងប្រាសាទបុរាណខ្មែរមួយចំនួនដូចជា ប្រាសាទអង្គរវត្ត ប្រាសាទតាព្រហ្ម ប្រាសាទបាយ័ន ជាដើម។

កម្មវិធី Google Arts and Culture

លោក Ben Kacyra អ្នកបង្កើតអង្គការ CyArk ដែលមានមូលដ្ឋាននៅរដ្ឋ California បាននិយាយប្រាប់ព័ត៌មានបច្ចេកវវិទ្យាអន្តរជាតិ The Verge ថា៖ “ខ្លួនមានគំនិតបង្កើតនូវអង្គការដែលជំនាញលើការគូសប្លង់បែប 3D តាមរយៈបច្ចេកវិទ្យាទំនើបនេះ ក្រោយពីបានឃើញក្រុមតាលីបង់បានបំផ្លាញរូបសំណាក់ព្រះពុទ្ធមានអាយុកាល ១៥០០ ឆ្នាំ ក្នុងទីក្រុង Bamiyan ប្រទេសអាហ្វហ្គានីស្ថាន កាលពីឆ្នាំ ២០១១។ វាជាការបំផ្លាញនូវវប្បធម៌បុរាណមួយដែល Ben ព្រួយបារម្ភ ហើយបេសកកម្មរបស់ CyArk គឺចាប់យកទិដ្ឋភាពរបស់សំណង់ និងតំបន់ប្រវត្តិសាស្ត្រ មុនពេលដែលពួកវាជួបនឹងសោកនាដកម្មបែបនេះ៕”

ចុចទីនេះ ដោនឡូតលើ Play Store | App Store

អានអត្ថបទបន្ត៖