បច្ចុប្បន្នភាព! ទីផុត តារាចម្រៀង ចាន់ មករា បានជួបមុខឪពុកតាមការចង់បានហើយ
- 2021-04-13 07:32:24
- ចំនួនមតិ 0 | ចំនួនចែករំលែក 0
បច្ចុប្បន្នភាព! ទីផុត តារាចម្រៀង ចាន់ មករា បានជួបមុខឪពុកតាមការចង់បានហើយ
ចន្លោះមិនឃើញ
តារាចម្រៀងកន្ទ្រឹមលោក ចាន់ មករា ដែលអន្ទះសាចង់ជួបមុខឪពុករបស់ខ្លួនកាលពីថ្ងៃម្សិលមិញក្រោយពីឪពុករបស់លោកជួបហេតុការណ៍គ្រោះថ្នាក់ចរាចរមួយនៅឯស្រុកកំណើត នៅថ្ងៃនេះលោកបានជួបតាមបំណងហើយនៅក្នុងមន្ទីរពេទ្យមិត្ដភាពកម្ពុជា-ចិន អតីតពេទ្យលោកសង្ឃ។
លោក ចាន់ មករា បង្ហោះសារខ្លីមួយតាមបណ្ដាញសង្គមFacebook ថា អគុណបងប្អូនដែលផ្ដល់ជាកម្លាំងចិត្ដ ពេលនេះលោកប៉ារបស់លោកបានមកដល់ពេទ្យលោកសង្ឃហើយ ប៉ុន្ដែរង់ចាំលទ្ធផលថតឆ្អឹង និងស្ថានភាពសុខភាពពីគ្រូពេទ្យនៅថ្ងៃស្អែក គឺនៅថ្ងៃទី១៤ ខែមេសា។
ម្ចាស់បទ"ចាប់យំល្វើយៗ" ចាន់ មករា បានជួបទុក្ខដ៏ក្រៀមក្រំមួយដោយសារម្សិលមិញនេះលោកឪពុករបស់លោកបានជួបគ្រោះថ្នាក់ចរាចរ បណ្ដាលឲ្យបាក់ដៃ និងឆ្អឹងដងកាំបិត។ លោក ចាន់ មករា មិនបានបញ្ជាក់ពីមូលហេតុ នៃគ្រោះថ្នាក់នោះកើតឡើងយ៉ាងណានោះទេ ហើយស្ថានភាពឪពុករបស់លោកពេលនេះយ៉ាងណាហើយក៏មិនបានបញ្ជាក់ដែរ។
ប៉ុន្តែបើពិនិត្យមើលតាមរូបភាព នៃស្ថានភាពគ្រោះថ្នាក់គឺធ្ងន់ធ្ងរ ហើយរហូតដល់បញ្ជូនមកសម្រាក និងព្យាបាលបន្ដនៅរាជធានីភ្នំពេញទៀត៕