កុំទិញមកម៉េច ប្រើទាំងអ៊ីចឹង! Settings ចំនួន ៧ អ្នកកាន់ iPhone ថ្មីថ្មោងគួរប្ដូរ
- 2021-04-16 02:05:00
- ចំនួនមតិ 0 | ចំនួនចែករំលែក 0
កុំទិញមកម៉េច ប្រើទាំងអ៊ីចឹង! Settings ចំនួន ៧ អ្នកកាន់ iPhone ថ្មីថ្មោងគួរប្ដូរ
ចន្លោះមិនឃើញ
តាមរយៈការចូលកែសម្រួលក្នុង Settings លើ iPhone អ្នកអាចធ្វើឲ្យអក្សរមានទំហំធំជាងមុន ងាយស្រួលមើល, ធ្វើឲ្យថ្មកាន់បានយូរ និងអាចឲ្យការដោះសោកាន់តែរហ័សជាងមុនជាដើម។ តទៅនេះគឺជា Settings ចំនួន ៧ ដែលអ្នកប្រើ iPhone ថ្មីថ្មោងគួរធ្វើការផ្លាស់ប្ដូរ ៖
១. កំណត់ឲ្យមុខងារ Do Not Disturb ដំណើរការស្វ័យប្រវត្តិ
Do Not Disturb អាចជួយឲ្យលោកអ្នកគេងលក់បានស្កប់ស្កល់នាពេលយប់ ដោយមិនមានសំឡេង Notification រំខានបាន ប្រសិនបើអ្នកបើកដំណើរការវា។ អ្នកអាចកំណត់មុខងារនេះឲ្យដំណើរការដោយស្វ័យប្រវត្តិចាប់ពីចន្លោះមួយណាមួយ ទៅចន្លោះម៉ោងណាមួយបាន។
ពេលដំណើរការ Do Not Disturb នោះ Notification ទាំងអស់មិនលោតមករំខានអ្នកឡើយ។ ប៉ុន្តែអ្នកក៏អាចកំណត់ឲ្យមានបន្លឺសំឡេងរោទ៍បាន ប្រសិនបើមានការហៅចូលច្រើនដងពីលេខណាមួយ។
២. ធ្វើឲ្យអក្សរងាយស្រួលមើល
អ្នកអាចពង្រីកទំហំអក្សរលើ iPhone ដើម្បីងាយស្រួលមើលកាន់តែច្បាស់បាន ដោយចូលទៅ Settings → Display & Brightness → Text Size រួចជ្រើសរើសទំហំអក្សរ។ មិនតែប៉ុណ្ណោះ អ្នកក៏អាចធ្វើឲ្យអក្សរដិតច្បាស់ ដោយដំណើរការនូវមុខងារ Bold Text ដែលស្ថិតនៅពីក្រោម Text Size។
៣. បន្ថែមចំនួនស្នាមម្រាមដៃ
iPhone SE ថ្មីគឺជា iPhone ចុងក្រោយដែលនៅប្រើប្រាស់នូវ Touch ID។ ដើម្បីឲ្យ Touch ID ដំណើរការបានច្បាស់ និងលឿន អ្នកគួរបញ្ចូលស្នាមម្រាមដៃឲ្យបានច្រើនលើសពីមួយ។ ដើម្បីបញ្ចូលវា ចូលទៅ Settings → Touch ID & Passcode → បញ្ចូលលេខកូដ → Add a fingerprint រួចធ្វើតាមការណែនាំ។
៤. បន្ថែមទម្រង់មុខមួយទៀតសម្រាប់ Face ID
ចាប់ពី iOS 12 ឡើងទៅ អ្នកប្រើ iPhone អាចបន្ថែមផ្ទៃមុខបានពីរសម្រាប់ Face ID (សម្រាប់ iPhone ដែលមាន Face ID) ដើម្បីអាចស្កេនមុខរហ័ស ជាពិសេសសម្រាប់អ្នកដែលឧស្សាហ៍ប្ដូរមុខមាត់ ពេលខ្លះពាក់វ៉ែនតាពេលខ្លះអត់ពាក់ និងពេលខ្លះផាត់មុខក្រាស់ពេលខ្លះមិនផាត់មុខជាដើម។
អ្នកអាចបន្ថែមទម្រង់មុខទីពីរ ដោយចូលទៅកាន់ Settings → Face ID & Passcode → បញ្ចូលលេខកូដ → Set Up An Alternate Appearance និងធ្វើតាមការណែនាំជាបន្តបន្ទាប់។
៥. បិទមុខងារ Auto Brightness ដើម្បីឲ្យថ្មកាន់បានយូរ
ពន្លឺអេក្រង់ iPhone អាចមានឥទ្ធិពលខ្លាំងលើថាមពលថ្ម។ ជា Default មកស្រាប់ iOS នឹងធ្វើកែសម្រួលពន្លឺអេក្រង់ដោយស្វ័យប្រវត្តិផ្អែកលើពន្លឺនៃបរិស្ថានខាងក្រៅ។ អ្នកអាចបិទកុំឲ្យវាដំណើរការដោយស្វ័យប្រវត្តិបាន ដើម្បីសន្សំសំចៃថាមពលថ្មបានកាន់តែច្រើន។
ដើម្បីបិទចូលទៅកាន់ Settings → Accessibility → Display & Text Size ហើយអូសទៅក្រោយអ្នកនឹងឃើញកន្លែងសម្រាប់បិទ Auto-Brightness។ ពេលបិទមុខងារនេះរួច អ្នកអាចកែសម្រួលពន្លឺអេក្រង់ iPhone បានតាមចិត្តចង់ដោយចូលទៅកាន់ Control Center។
៦. ដំណើរការ Dark Mode
វិធីសន្សំសំចៃថាមពលថ្ម iPhone មួយទៀតគឺការប្រើប្រាស់នូវ Dark Mode (សម្រាប់តែ iPhone ដែលប្រើប្រាស់អេក្រង់ OLED មានដូចជា iPhone X, XS និង iPhone 11)។ Dark Mode នឹងផ្លាស់ប្ដូរផ្ទៃ Background ពណ៌ស ទៅជាខ្មៅ ដែលពណ៌ខ្មៅនេះប្រើប្រាស់ថាមពលតិចជាងពណ៌ស។
អ្នកអាចដំណើរការដោយចូលទៅ Settings → Display & Brightness និងចុចយក Dark។
៧. បញ្ចូលមុខងារទៅលើ Control Center
Control Center គឺជាទីតាំងមួយដែលអ្នកអាចបញ្ជាមុខងារជាច្រើនបានលឿន ដូចជាផ្លាស់ប្ដូរបទចម្រៀង, ដំណើរការ Airplane Mode, ភ្ជាប់ទៅ Wi-Fi, កំណត់ម៉ោងរោទ៍ និងមុខងារជាច្រើនទៀត។ អ្នកក៏អាចបន្ថែមមុខងារជាច្រើនទៀតបានចូលទៅក្នុង Control Center ដោយចូល Settings → Control Center → Customize Controls៕