អេមហួស! ច័ន្ទភិនុន មិនត្រឹមចេះលេងបាល់ទះទេ ថែមទាំងចេះសិល្បៈតន្ត្រីនិងចម្រៀងទៀត
- 2021-04-16 04:48:34
- ចំនួនមតិ 0 | ចំនួនចែករំលែក 0
អេមហួស! ច័ន្ទភិនុន មិនត្រឹមចេះលេងបាល់ទះទេ ថែមទាំងចេះសិល្បៈតន្ត្រីនិងចម្រៀងទៀត
ចន្លោះមិនឃើញ
មិនត្រឹមតែចេះលេងបាល់ទះប៉ុណ្ណោះទេ ញ៉ែម ច័ន្ទភិនុន ថែមទាំងចេះលេងហ្គីតា និងច្រៀងបានយ៉ាងពីរោះ ជាទន់មួយជួយឱ្យគេបង្កើតភាពសប្បាយរីករាយ ក្នុងរង្វង់ក្រុមគ្រួសារនិងមិត្តភ័ក្តិ។
បើតាមការឱ្យដឹងពីកីឡាករបាល់ទះ ជំនាញដេញបាល់លឿនច័ន្ទភិនុន រូបគេចេះលេងហ្គីតាតាំងពីអាយុប្រហែល១៨ឆ្នាំ ដែលដំបូងឡើយគ្រាន់តែឃើញគេលេង ភិនុនក៏ចូលចិត្តនិងចាប់ផ្ដើមរៀនតែម្ដង។
ដោយសារតែមានដុងតាំងពីកំណើត និងមានឪពុកធ្លាប់ដើរលេងអាហ្វែរជំនាញហ្គីតាផងនោះ គេរៀនឆាប់ចេះឆាប់ចាំ និងអាចដេញបានច្រើនបទ បើគិតមកទល់នឹងពេលនេះ ហើយឧបសគ្គច័ន្ទភិនុនថា មិនសូវជាមានឡើយ។ ទោះចេះលេងហ្គីតាពិតមែន ប៉ុន្តែកីឡាករក្លឹបបាល់ទះបញ្ជាការដ្ឋានអង្គរក្ស ចេះមិនស្ទាត់ដៃដូចអ្នកអាជីពឡើយ ដោយគ្រាន់តែអាចលេងកំដរភាពអប្សុកបានតែប៉ុណ្ណោះ។
ដោយឡែកសិល្បៈចម្រៀងវិញ យុវជនវ័យ២៩ឆ្នាំ ក៏មានសមត្ថភាពគួរសម មានសំនៀងក្រអួនក្រអៅពីរោះរណ្ដំ និងចេះច្រើនបទទៀតផង។ ជាក់ស្ដែងក្នុង TikTok គេបានបង្ហើរសំនៀងបទ «នឹកមនុស្សម្នាក់ដែលមិនធ្លាប់ឈប់ស្រលាញ់ខ្ញុំ» របស់លោក ព្រាប សុវត្ថិ មួយឃ្លារធ្វើឱ្យអ្នកលេងបណ្ដាញសង្គមមួយនេះ កោតសរសើរពីទឹកដមសំឡេងរបស់គេ។
ចេះលេងហ្គីតា និងចេះច្រៀងនេះដែរ កីឡាករដែលចូលចិត្តបទលោក ព្រាប សុវត្ថិ និង ខេមរៈ សិរីមន្តមកពីខេត្តកណ្ដាលរូបនេះ បានបង្ហាញអារម្មណ៍សប្បាយរីករាយ ព្រោះវាអាចកំដររូបគេ ក្រុមគ្រួសារ និងមិត្តភ័ក្តិឱ្យបាត់អស់ភាពអប្សុក ហត់នឿយ និងទុក្ខកង្វល់ផ្សេងៗ៕