Zidane៖ គំនិតចង់ដក Real ពី Champions League ជាការគិតដ៏ងងើលមួយ
- 2021-04-23 12:15:11
- ចំនួនមតិ 0 | ចំនួនចែករំលែក 0
Zidane៖ គំនិតចង់ដក Real ពី Champions League ជាការគិតដ៏ងងើលមួយ
ចន្លោះមិនឃើញ
លោក Zinedine Zidane គ្រូបង្គោលក្លឹប Real Madrid បាននិយាយក្នុងសន្និសីទកាសែតក្នុងថ្ងៃនេះថា ក្លឹបរបស់លោកនៅតែរក្សាសិទ្ធិក្នុងការលេងនៅក្នុងក្របខ័ណ្ឌ UEFA Champions League។
លោកបានលើកឡើងថា៖ " យើងមានសិទ្ធិពេញលេញក្នុងការលេងនៅក្នុង Champions League ហើយវាពិតជាងងើលណាស់ ដែលមានគំនិតចង់ដកក្លឹបយើងចេញ។ យើងនឹងត្រៀមខ្លួនសម្រាប់ប្រកួតនៅសប្ដាហ៍ក្រោយ " ។
មានការចុះផ្សាយមួយចំនួនបានឲ្យដឹងថា UEFA មានបំណងហាមប្រាមមិនឲ្យ Real Madrid លេងក្នុងវគ្គផ្ដាច់ព្រ័ត្រ Champoins League នៅក្នុងឆ្នាំនេះ ហើយហាមមិនឲ្យលេងពេញមួយឆ្នាំ នៅរដូវកាលក្រោយ ខណៈពេលដែលក្លឹប Real Madrid ជាអ្នកផ្ដួចផ្ដើមគំនិតឲ្យមានការបង្កើតក្របខ័ណ្ឌថ្មីគឺ European Super League បំបែកចេញពីក្របខ័ណ្ឌចាស់របស់ UEFA។
ក្នុងមួយសប្ដាហ៍នេះ ពិភពបាល់ទាត់អឺរ៉ុបទាំងមូលបានតាមដានយ៉ាងជិតដិតជុំវិញបញ្ហា Super League នេះ ខណៈនៅសល់តែ ៣ក្លឹបប៉ុណ្ណោះគឺ Real Madrid, Barcelona និង Juventus ដែលមិនទាន់ប្រកាសដកចេញ ហើយក្របខ័ណ្ឌថ្មីនេះក៏មិនរំសាយផ្លូវការដែរ តែគ្រាន់មិនដំណើរការទៅមុខ៕