ក្រសួង ប្រកាសលម្អិតករណីបុរសអាយុ ៤០ និង ៥៦ឆ្នាំ ដែលបានបាត់បង់ជីវិតដោយកូវីដ-១៩
- 2021-04-23 14:31:13
- ចំនួនមតិ 0 | ចំនួនចែករំលែក 0
ក្រសួង ប្រកាសលម្អិតករណីបុរសអាយុ ៤០ និង ៥៦ឆ្នាំ ដែលបានបាត់បង់ជីវិតដោយកូវីដ-១៩
ចន្លោះមិនឃើញ
អម្បាញ់មិញនេះ ក្រសួងសុខាភិបាលបានចេញផ្សាយសេចក្ដីប្រកាសព័ត៌មានស្ដីពីការស្លាប់របស់បុរសពីររូប ដោយសារកូវីដ-១៩។
ម្នាក់មានអាយុ ៤០ឆ្នាំ មានទីលំនៅនៅស្រុកគិរីវង្ស ខេត្តតាកែវ ដែលត្រូវបានរកឃើញវិជ្ជមានកូវីដ-១៩ ហើយចូលសម្រាកនៅមន្ទីរពេទ្យស្វាយជ្រុំខេត្តស្វាយរៀង នៅថ្ងៃទី ១៥ ខែមេសា ឆ្នាំ២០២១ ក្នុងសភាពហត់ខ្លាំង ក្អក និងមានប្រវត្តិជម្ងឺទឹកនោមផ្អែមប្រចាំកាយ។ លោក បានស្លាប់នៅថ្ងៃទី ២២ខែមេសា ឆ្នាំ២០២១ នៅវេលាម៉ោង ១៣:១០នាទី។
ម្នាក់ទៀតអាយុ ៥៦ឆ្នាំ មានទីលំនៅនៅក្រុងបាវិត ខេត្តស្វាយរៀង ដែលត្រូវបានរកឃើញវិជ្ជមានកូវីដ-១៩ ហើយចូលសម្រាកនៅមន្ទីរពេទ្យស្វាយជ្រុំខេត្តស្វាយរៀង នៅថ្ងៃទី ១ ខែមេសា ឆ្នាំ២០២១ ក្នុងស្ថានភាពក្ដៅខ្លួន ក្អក និងហត់ខ្លាំង។ គាត់បានបាត់បង់ជីវិតនៅថ្ងៃទី ២២ ខែមេសា ឆ្នាំ២០២១ នៅវេលាម៉ោង ១៩:៣០នាទី។
ក្រុមគ្រូពេទ្យបានធ្វើការសន្និដ្ឋានថា បុរសទាំងពីរខាងលើ បានស្លាប់បាត់បង់ជីវិត ដោយវិបត្តិផ្លូវដង្ហើមស្រួចស្រាវ ធ្ងន់ធ្ងរ និងរលាកសួតសងខាង ដោយសារវីរុសកូវីដ-១៩។
សូមពិនិត្យមើលសេចក្ដីប្រកាសព័ត៌មានរបស់ក្រសួងសុខាភិបាល ដូចខាងក្រោម៖