Joe Saunders អាចបញ្ចប់អាជីពប្រដាល់ហើយ ក្រោយចាញ់ Canelo បាក់ឆ្អឹងថ្ពាល់៣កន្លែង
- 2021-05-11 02:18:59
- ចំនួនមតិ 0 | ចំនួនចែករំលែក 0
Joe Saunders អាចបញ្ចប់អាជីពប្រដាល់ហើយ ក្រោយចាញ់ Canelo បាក់ឆ្អឹងថ្ពាល់៣កន្លែង
ចន្លោះមិនឃើញ
អ្នកប្រដាល់អង់គ្លេស Billy Joe Saunders ទំនងជាអស់ឱកាសបន្ដអាជីពទៀតហើយ ក្រោយពីចាញ់កីឡាករ Canelo Alvarez នៅទឹក៨ ហើយបាក់ឆ្អឹងរង្វង់ភ្នែក និងថ្ពាល់៣កន្លែងទៅហើយ។
Joe តទល់ជាមួយ Canelo បានត្រឹមទឹក៨ប៉ុណ្ណោះ ក្រោយពីត្រូវ១ដៃយ៉ាងធ្ងន់។ Canelo ធ្វើបានល្អណាស់សម្រាប់ការប្រកួតមួយនេះ រូបគេព្យាយាមសម្រុករហូតដល់ទឹក៨ ក៏មានឱកាសដាក់១ដៃយ៉ាងពេញកម្លាំងទៅលើ Joe តែម្ដង។ ក្រោយពីចប់ទឹកភ្លាម ក្រុមការងាររបស់កីឡាករអង់គ្លេសនេះ បានបោះបង់ការប្រកួតតែម្ដង ក្រោយពីពិនិត្យឃើញថាបាក់ឆ្អឹងថ្ពាលខ្លាំងទៅហើយ។
ក្រោយពីចប់ការប្រកួត ក្រុមគ្រូពេទ្យក៏បានបញ្ជូន Joe ទៅពិនិត្យភ្លាម ហើយរកឃើញថាកីឡាកររូបនេះរងរបួសខ្លាំង ដោយបាក់ឆ្អឹងរង្វង់ភ្នែក និងឆ្អឹងថ្ពាលដល់ទៅ៣កន្លែងឯណោះ។ របួសធ្ងន់ធ្ងរនេះ ត្រូវបានគេមើលឃើញថាអាចជាពេលវេលាសមល្មមសម្រាប់កីឡាករវ័យ៣១ឆ្នាំចូលនិវត្តន៍ហើយ៕