អតីតចៅក្រមប្រដាល់ ឃឹម សុជាតិ បច្ចុប្បន្នមានរបររត់ Pass App និងលក់សន្ទូចត្រី

2021-05-12 07:44:17
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតចៅក្រម និងអាជ្ញាកណ្ដាលដែលរហ័សរហួន ឃឹម សុជាតិ បច្ចុប្បន្នកំពុងប្រកបរបររត់ Pass App និងលក់ឧបករណ៍សម្រាប់ស្ទូចត្រី Online ដើម្បីដោះស្រាយជីវភាពប្រចាំថ្ងៃ។

លោក ឃឹម សុជាតិ កាលនៅជាអាជ្ញាកណ្ដាល

លោក ឃឹម សុជាតិ បានឲ្យដឹងថា បច្ចុប្បន្ននេះលោកមានរបរបន្តិចបន្តួចដូចជម្រាបជូនខាងលើ ពេលណាទំនេររត់ Pass App និងក្រៅពីនេះគឺមានលក់ឧបករណ៍ផ្សេងៗសម្រាប់ស្ទូចត្រី។ ឧបករណ៍ទាំងនោះរួមមានដងស្ទូចយកមកពីជប៉ុន មានផ្លែ ខ្សែ និងស្បែកជើង អាវកាក់ជាដើម។

លោក ឃឹម សុជាតិ

អតីតចៅក្រមល្បីឈ្មោះនៅបាយ័នខាងលើបន្ថែមទៀតថា គ្រឿងសម្រាប់ស្ទូចត្រីនេះមានលក់ច្រើនប្រភេទទាំងថ្មី និងរបស់ប្រើហើយ(មួយទឹក) ដូច្នេះបើនរណាចង់បាន ឬចង់ជួយគាំទ្រអាចទាក់ទងតាមហ្វេសបុកលោក Khem Socheat លេខទូរស័ព្ទ 012 219082។ អាជ្ញាកណ្ដាលមាឌល្អិតរូបនេះលើកឡើងទៀតថា សព្វថ្ងៃគឺបានរបរទាំងនេះហើយសម្រាប់ផ្គត់ផ្គង់ក៏ដូចជាដោះស្រាយជីវភាពរស់នៅប្រចាំថ្ងៃ។

ឧបករណ៍ស្ទូចត្រីដែលលោក ឃឹម សុជាតិ លក់

រំលឹកដែរថា លោក ឃឹម សុជាតិ ជាអតីតចៅក្រម អាជ្ញាកណ្ដាលរបស់សហព័ន្ធប្រដាល់គុនខ្មែរ និងធ្លាប់បំពេញការងារនៅសង្វៀនបាយ័នកន្លងទៅ។ លោក ឃឹម សុជាតិ មានឈ្មោះល្បីដែលអ្នកទស្សនាប្រដាល់សរសើរថារហ័សរហួនក្នុងការចាប់កីឡាករពេលប្រកួត៕

អត្ថបទ៖ នួន ស៊ីណា