ស៊ឹម ប៊ុនស្រ៊ន់ បង្ហើបចំណូលពីរបរកសិកម្មមួយខែៗមិនធម្មតា...
- 2021-05-13 02:08:54
- ចំនួនមតិ 0 | ចំនួនចែករំលែក 0
ស៊ឹម ប៊ុនស្រ៊ន់ បង្ហើបចំណូលពីរបរកសិកម្មមួយខែៗមិនធម្មតា...
ចន្លោះមិនឃើញ
អតីតអ្នកប្រដាល់ MMA ស៊ឹម ប៊ុនស្រ៊ន់ បង្ហើបចំណូលពីរបរកសិកម្មលក់កូនឈើព្រៃ និងកូនដំណាំហូបផ្លែផ្សេងៗបានប្រហែល ៤០០០-៥០០០ដុល្លារក្នុងមួយខែៗ។
ប៊ុនស្រ៊ន់ បានឲ្យដឹងថា កិច្ចការកសិកម្មបណ្ដុះកូនឈើ និងលក់កូនឈើសព្វថ្ងៃគឺរវល់ច្រើនគួរសមនេះប៉ះជាមួយជំងឺកូវីដ ១៩ ខ្លះៗផង។ ពេលខ្លះត្រូវដឹកជូនអតិថិជនដល់ខេត្តៗផ្សេងទៀត។
បើងាកទៅប្រាក់ចំណូលវិញ ប៊ុនស្រ៊ន់ បង្ហើបប្រាប់ថាក្នុងមួយៗអាចរកបានចន្លោះពី ៤០០០-៥០០០ដុល្លារ ប៉ុន្តែមិនជាសល់ប៉ុន្មានឡើយ ព្រោះក៏ត្រូវចំណាយច្រើនដែរ ដូចជាប្រាក់ខែកម្មករ បាយទឹក និងការចំណាយផ្សេងៗមួយចំនួនទៀត។
រំលឹកដែរថា ស៊ឹម ប៊ុនស្រ៊ន់ ជាអតីតអ្នកប្រដាល់ក្នុងទ្រុង ឬហៅថា MMA របស់កម្ពុជា និងធ្លាប់បង្ហាញមុខលើសង្វៀន ONE ជាច្រើនដងទៀតផង។ ប៊ុនស្រ៊ន់ បានផ្អាកឡើងសង្វៀនយូរឆ្នាំហើយ ដោយងាកមកចាប់របរបណ្ដុះកូនឈើលក់ជំនួសវិញ ហើយបច្ចុប្បន្នកសិដ្ឋានរបស់គេគឺ ភូមិស្គន់ ឃុំសូទិន ស្រុកជើងព្រៃ ខេត្តកំពង់ចាម។ បើសិនមានអ្នកចង់បានកូនឈើអាចទាក់ទងគេបានតាមហ្វេសបុក Sim Bunsrun ៕