ទីបំផុត Kane ដាច់ចិត្តសុំចេញពី Spurs ចង់ទៅរកទ្រនំថ្មី ខណៈក្លឹបធំនៅអង់គ្លេស៣ចង់បាន
- 2021-05-18 01:30:50
- ចំនួនមតិ 0 | ចំនួនចែករំលែក 0
ទីបំផុត Kane ដាច់ចិត្តសុំចេញពី Spurs ចង់ទៅរកទ្រនំថ្មី ខណៈក្លឹបធំនៅអង់គ្លេស៣ចង់បាន
ចន្លោះមិនឃើញ
Harry Kane បានជូនដំណឹងដល់ Spurs ថា គេចង់ចាកចេញនៅរដូវក្ដៅនេះ ដើម្បីទៅរកក្លឹបថ្មីលេង ខណៈតម្លៃខ្លួនរបស់ត្រូវបានក្លឹបកំណត់១៥០លានផោន។
បំណងប្រាថ្នារបស់ខ្សែប្រយុទ្ធរូបនេះចង់ចេញពី Spurs ស្ថិតក្នុងមន្ទិលជាងមួយឆ្នាំមកហើយ។ ប៉ុន្តែពេលនេះកីឡាករវ័យ២៧ឆ្នាំបានប្រាប់ប្រធានក្លឹបលោក Daniel Levy ថា គេចង់ទៅចូលរួមជាមួយក្លឹបថ្មី មុនពេលរដូវកាលថ្មីចាប់ផ្ដើម។
កន្លងទៅ Spurs ធ្លាប់ដាក់តម្លៃខ្លួនចង់លក់ Kane ក្នុងតម្លៃខ្លួន១៥០លានផោន ប៉ុន្តែមិនទាន់មានក្លឹបហ៊ានជាមួយតម្លៃនេះទេ។ Chelsea, Manchester City និង Manchester United ជាចំណោមក្លឹបចាប់អារម្មណ៍ Kane ប៉ុន្តែរឿងតម្លៃខ្លួនអាចនឹងចរចាគ្នាតាមក្រោយ។
Kane ចង់ឲ្យមានការដោះស្រាយពីអនាគតរបស់ឲ្យបានលឿន មុនព្រឹត្តិកាណ៍ Euro មកដល់ ប៉ុន្តែដោយសារតម្លៃរបស់គេខ្ពស់ពេកអាចនឹងពិបាករកក្លឹបមកចូលចែចូវ។ ដំណឹងនៃការប្រកាសរបស់កីឡាករសញ្ជាតិអង់គ្លេសធ្វើឲ្យបុគ្គលិកក្នុងក្លឹប Spurs មិនសប្បាយចិត្តឡើយ។ ខណៈពួកគេត្រៀមស្វាគមន៍អ្នកគាំទ្រ១០០០នាក់ សម្រាប់ការប្រកួតទលនឹង Aston Villa នៅថ្ងៃពុធនេះ៕