បាត់មុខ លី រិទ្ធី យូរឥលូវសប្ដាហ៍នេះវិលចូលសង្វៀនគុនខ្មែរវិញហើយ

2021-05-18 02:48:27
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ដើមកំណើតពីខេត្តសៀមរាប លី រិទ្ធី អាចឡើងសង្វៀនប្រកួតវិញហើយនៅសប្ដាហ៍លើសង្វៀនបាយ័ន បន្ទាប់ពីរបួសដៃសម្រាកមួយរយៈពេលធំមកនេះ។

លី រិទ្ធី ប្រកួតពីមុន

នេះបើតាមការបង្ហោះកម្មវិធីប្រកួតលើផេក Bayon kun khmer បានបញ្ជាក់ថាកីឡាករ លី រិទ្ធី គឺមានឈ្មោះឡើងប្រកួតជាមួយអ្នកប្រដាល់ យ៉ាម ខេមរា លើប្រភេទទម្ងន់ ៧១គីឡូក្រាម។

រិទ្ធី មានបញ្ហារបួសដៃប្រហែលជិតមួយមកហើយ ដែលធ្វើឲ្យអ្នកប្រដាល់ទម្ងន់ធ្ងន់រូបនេះត្រូវបង្ខំចិត្តផ្អាកពីការប្រកួត និងសំងំព្យាបាលមួយរយៈពេលធំតែម្ដង។ យ៉ាងណាគេក៏ឃើញវីដេអូនៃការហ្វឹកហាត់របស់គេខ្លះៗផងដែរតាមបណ្ដាញសង្គមប៉ុន្មានសប្ដាហ៍នេះហើយបញ្ជាក់ពីរបួសជាសះស្បើយអាចវិលចូលសង្វៀនវិញ។

កីឡាករ លី រិទ្ធី

រំលឹកដែរថា លី រិទ្ធី ជាអ្នកប្រដាល់នៃក្លឹបប្រដាល់ Mr Ly គុនខ្មែរក្នុងខេត្តសៀមរាប។ កីឡាកររូបនេះជាក៏អតីតអ្នកលេងគុនល្បុក្កតោផងដែរ។ រិទ្ធី ប្រកួតជាមួយ យ៉ាម ខេមរា នៅថ្ងៃសៅរ៍ ទី២២ ឧសភា ចាប់ពីម៉ោង ៦ល្ងាចតទៅ៕

អត្ថបទ៖ នួន ស៊ីណា