Roy សម្រេចលាលែងពីតំណែងអ្នកចាត់ការ Crystal Palace នៅវ័យ ៧៣ឆ្នាំ

2021-05-18 13:40:49
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Roy Hodgson បានសម្រេចលាឈប់ពីតំណែងអ្នកចាត់ការ Crystal Palace ក្នុងវ័យ ៧៣ឆ្នាំនៅរដូវកាលក្រោយ នេះបើយោងតាមការចុះផ្សាយរបស់ក្លឹបនៅក្នុងថ្ងៃនេះ។

ក្រោយប្រឡូកអាជីពជាអ្នកដឹកនាំក្លឹបជាង ៤៥ឆ្នាំកន្លងមកជាពិសេសបានមកដឹកនាំឲ្យ Crystal Palace រយៈពេល ៤ឆ្នាំចុងក្រោយនេះ លោក Roy ក៏បានសម្រេចចិត្តលាឈប់ពីតំណែងជាអ្នកដឹកនាំក្លឹបនេះដោយឯកឯង ដោយគ្មានទទួលសំពាធពីខាងណានោះឡើយ។

នៅក្នុងពេលលាឈប់នេះ លោក Roy ក៏បានសម្ដែងការអរគុណដល់ Crystal Palace ក៏ដូចជាអ្នកគាំទ្រទាំងអស់ ដែលបានជឿទុកចិត្តលើការដឹកនាំរបស់លោកកន្លងមក។

គួរបញ្ជាក់ផងដែរថា នៅក្នុងកំឡុងពេលជាង៤៥ឆ្នាំនោះ លោក Roy ក៏ធ្លាប់ដឹកនាំក្លឹបធំៗ និងក្រុមជម្រើសជាតិមួយចំនួនផងដែរដូចជាក្លឹប Inter Milan ក្លឹប Liverpool ក្រុមជម្រើសជាតិអង់គ្លេសជាដើម៕

ប្រភព៖ Crystal Palace

អត្ថបទ៖ ហ៊ីម រស្មី