កម្មវិធីថ្មី «Starting Up» អ្នកសម្របសម្រួល សុទ្ធតែ CEO ឆ្នើមនៃក្រុមហ៊ុនល្បីនៅកម្ពុជា
- 2021-05-27 03:32:46
- ចំនួនមតិ 0 | ចំនួនចែករំលែក 0
កម្មវិធីថ្មី «Starting Up» អ្នកសម្របសម្រួល សុទ្ធតែ CEO ឆ្នើមនៃក្រុមហ៊ុនល្បីនៅកម្ពុជា
ចន្លោះមិនឃើញ
Starting Up" គឺជាកម្មវិធីសម្ភាសន៍ ជជែកពិភាក្សា ដេញដោល ជាមួយសហគ្រិន ដែលបានចាប់ផ្ដើមជំនួញនៅក្នុងវិស័យផ្សេងៗគ្នា។ កម្មវិធីថ្មីសន្លាងមួយនេះ នឹងពិភាក្សាវែកញែកជីកកកាយយករឿងពិតនៅពីក្រោយការជោគជ័យ និងបរាជ័យលើអាជីវកម្មមួយចំនួន ដែលធ្វើឲ្យស្ថាបនិកទាំងនោះអាចបន្តរស់រីកចម្រើន និងនាំមុខគេ។ អ្វីដែលគួរឱ្យចាប់អារម្មណ៍ បើងាកមកមើលអ្នកសម្របសម្រួលកម្មវិធីវិញ សុទ្ធតែជាសហគ្រិន ជានាយកប្រតិបត្តិឆ្នើមៗ ប្រចាំក្រមហ៊ុនល្បីៗនៅកម្ពុជា ។ សូមមកស្គាល់ទាំងអស់គ្នា៖
១. លោក ជី សិលា
ជានាយកប្រតិបត្តិក្រុមហ៊ុន Sabay Digital Group ។ លោក ជី សិលា បានបង្កើតអាជីវកម្មដំបូងរបស់ខ្លួននៅឆ្នាំ ១៩៩៨ ផ្ដើមជាមួយដើមទុន ៥០០ ដុល្លារតែប៉ុណ្ណោះ។ លោកមានបទពិសោធន៍ជាមគ្គុទ្ទេសក៍ទេសចរណ៍ហើយបន្ទាប់មក ក្នុងការងារផ្សាយពាណិជ្ជកម្ម និងការរចនា លោក ជី សិលា និងដៃគូបានបង្កើតសាជីវកម្ម ស៊ីប៊ីអឹម នៅឆ្នាំ ២០០២ (ដែលមានអាជីវកម្ម ៨ អេហ្វ & ប៊ី និងក្រុមហ៊ុនសេវាកម្មម្ហូបអាហារជាច្រើន) ក៏ដូចជាការបើកនូវសាជីវកម្មសប្បាយឌីជីថល នៅចុងឆ្នាំ ២០០៧ ។
២.កញ្ញា ដែក ដារី
ជានាយកផ្នែកគ្រប់គ្រងនៅក្រុមហ៊ុន 360 EVENTS ដែលផ្ដល់សេវាកម្មខាងរៀបចំកម្មវិធី (Event) មានឯកទេសខាងសេវាកម្មរៀបចំពិធីពិព័រណ៍ និងការតាំងបង្ហាញផលិតផលជាដើម។ កញ្ញា កំពុងផ្លាស់ប្ដូរក្រុមហ៊ុនបែបប្រពៃណីរបស់ខ្លួនទៅជាក្រុមហ៊ុនបែបបច្ចេកវិទ្យាមួយអាចផ្សារភ្ជាប់អ្នកទិញ និងអ្នកលក់តាមអ៊ីនធឺណិតអនឡាញ ឬជាមួយអ្នកលក់លើទីផ្សារផ្ទាល់។
សហគ្រិនស្ត្រីរូបនេះ ក៏ជាសហស្ថាបនិក នៃការចាប់ផ្ដើមប្រព័ន្ធផ្សព្វផ្សាយ បែបបច្ចេកវិទ្យានៅក្នុងប្រទេសកម្ពុជាផងដែរ។ ក្នុងឆ្នាំ២០១៨ លោកស្រី Dary គឺជាប្រធាន សភាយុវជនអន្តរជាតិនៅកម្ពុជាហៅកាត់ JCI ជាអង្គការមួយដែលផ្ដល់ចំណេះអោយយុវជនបង្កើតផលវិជ្ជមានតាមរយៈការរៀនជំនាញភាពជាអ្នកដឹកនាំនៅក្នុងគម្រោងសហគមន៍។ ជំនាញរបស់កញ្ញារួមមានការលក់ និងផ្នែកទីផ្សារ ការធ្វើផែនការយុទ្ធសាស្ត្រ និងការអភិវឌ្ឍអាជីវកម្ម។ ក្រោមអាហារូបករណ៍ Fulbright លោកស្រី Dary ទទួលបានអនុបណ្ឌិតផ្នែកទំនាក់ទំនង និងផ្សព្វផ្សាយ ពីមហាវិទ្យាល័យ Emerson នៅបូស្តុន រដ្ឋម៉ាសាឈូសេត សហរដ្ឋអាមេរិក។
៣. លោក ធុល រិទ្ធី
ជាសហស្ថាបនិក និងនាយកប្រតិបត្តិក្រុមហ៊ុន SmallWorld Venture។ លោក ធុល រិទ្ធី គឺជាអ្នកផ្សាយដំណឹងល្អពីបរិស្ថាន និងជាសហគ្រិនមួយរូប។ គាត់ធ្វើការនៅក្នុងគម្រោងអ្នកប្រើប្រាស់គ្រឿងអេឡិចត្រូនិក Open Source, Blockchain, និងការអប់រំ។ មានវិស័យចំនួន៣ ដែលសមស្របទៅនឹងសក្ដានុពល ការអភិវឌ្ឍបច្ចេកវិទ្យា ការអភិវឌ្ឍអចលនវត្ថុជាមួយនឹងធម្មជាតិ និងទេសចរណ៍ផ្សងព្រេងរបស់គាត់។
យោងទៅតាមទម្លាប់ដែលគាត់ចូលចិត្ត រួមមាន ការជិះកង់ ការរត់រយៈចម្ងាយវែង និងសកម្មភាពកីឡា ក្បាច់គុន និងទស្សនវិជ្ជា ដទៃទៀត រិទ្ធី បានជួបជាមួយនឹងបុគ្គលប្រកបដោយទំនោរ ដែលគាត់ត្រូវបានទទួលការជម្រុញទឹកចិត្ត តាមរយៈការធ្វើការងារជាមួយបុគ្គលទាំងនោះ លើគម្រោងមួយចំនួន។ គម្រោងបច្ចុប្បន្នរបស់គាត់ គឺ SmallWorld, KOOMPI, Selendra, Vitamin Air, និង Grood-E។
៤. លោក ស៊ឹម ចាន់គីរីរត្ន
គឺជាស្ថាបនិក និងនាយកប្រតិបត្តិក្រុមហ៊ុន BanhJi ។ លោក ស៊ឹម ចាន់គីរីរត្ មានបទពិសោធន៍ ១៦ ឆ្នាំ ក្នុងវិស័យហិរញ្ញវត្ថុ ក្នុងកម្រិតថ្នាក់ឧត្ដម ទាំងអ្នកប្រតិបត្តិ និងសមត្ថភាពជាអ្នកផ្ដល់យោបល់/ប្រឹក្សា ក៏ដូចជា ជាសហគ្រិនមួយរូប។ បទពិសោធន៍របស់គាត់ រួមមាន នាយកផ្នែកហិរញ្ញវត្ថុ សហស្ថាបនិក និងដៃគូគ្រប់គ្រងនៃការិយាល័យប្រឹក្សាផ្នែកហិរញ្ញវត្ថុ និងការការិយាល័យសវនកម្ម ជាអ្នកផ្តល់យោបល់ផ្នែកហិរញ្ញវត្ថុ ដល់ក្រុមហ៊ុនធំៗចំនួន៣ ក្នុងប្រទេសកម្ពុជា ជាសមាជិកក្រុមប្រឹក្សាភិបាល នៃវិទ្យាស្ថានជំនាញគណនេយ្យករ និងសវនករកម្ពុជា (KICPAA) ជាសមាជិកក្រុមប្រឹក្សាភិបាលនៃសមាគម ស៊ីហ្វេសអូ (CFO) កម្ពុជា ជាប្រធានគណៈកម្មាធិការប្រតិបត្តិសមាគមសហគ្រិនវ័យក្មេងកម្ពុជានៃសហគ្រាសធុនតូច និងមធ្យមកម្ពុជា។
លោកគឺជាសមាជិកនៃសមាគមគណនេយ្យករជំនាញគណនេយ្យភាព (ACCA) ជាសមាជិកនៃវិទ្យាស្ថានគណនេយ្យករ និងសវនករសាធារណៈកម្ពុជា (CPA) ជាសមាជិកនៃវិទ្យាស្ថានគណនេយ្យករជំនាញគ្រប់គ្រង (ACMA) និងជាសមាជិកគណនេយ្យករជំនាញគ្រប់គ្រងសកល៕