ខ្សែប្រយុទ្ធអាល្លឺម៉ង់ ជឿថាក្រុមខ្លួន នឹងឡើងទៅវគ្គ១៦ក្រុមបាន
- 2021-06-19 03:34:20
- ចំនួនមតិ 0 | ចំនួនចែករំលែក 0
ខ្សែប្រយុទ្ធអាល្លឺម៉ង់ ជឿថាក្រុមខ្លួន នឹងឡើងទៅវគ្គ១៦ក្រុមបាន
ចន្លោះមិនឃើញ
Kevin Volland ខ្សែប្រយុទ្ធជម្រើសជាតិអាល្លឺម៉ង់ថា ក្រុមរបស់ខ្លួននឹងអាចឡើងទៅវគ្គ១៦ក្រុមបាន សម្រាប់ការប្រកួតពានរង្វាន់ Euro 2020 នេះ។
អាល្លឺម៉ង់បើកឆាកចាញ់ក្រុមបារាំង ក្នុងលទ្ធផល ១-០ សម្រាប់ការប្រកួតវគ្គសន្សំពិន្ទុពូល F នេះ។ ខណៈដែលប្រកួតទី២របស់ពួកគេវិញ ប៉ះជាមួយក្រុមព័រទុយហ្គាល់ទៀតដែលជាក្រុមការពារតំណែងជើងឯក និងធ្វើបានល្អផងដែរនៅប៉ុន្មានឆ្នាំមកនេះ។ គេជឿជាក់ថាយប់នេះ នឹងក្លាយជាការប្រកួតជក់ចិត្តខ្លាំងមិនខាន។
Volland ដែលជាខ្សែប្រយុទ្ធអាល្លឺម៉ង់ លេងនៅក្លឹប Monaco បាននិយាយបែបនេះថា៖ “យើងមិនភ័យទេយើងទាំងអស់គ្នាមានអារម្មណ៍ល្អនិងសុទិដ្ឋិនិយមថាយើងនឹងលេងការប្រកួតល្អជាមួយព័រទុយហ្កាល់និងឆ្លងផុតវគ្គចែកពូល”៕