បារាំង បន្ទោសទីលានក្ដៅពេក ខណៈ Griezmann ថាអ្នកគាំទ្រហុងគ្រីអស្ចារ្យ
- 2021-06-20 02:55:03
- ចំនួនមតិ 0 | ចំនួនចែករំលែក 0
បារាំង បន្ទោសទីលានក្ដៅពេក ខណៈ Griezmann ថាអ្នកគាំទ្រហុងគ្រីអស្ចារ្យ
ចន្លោះមិនឃើញ
បារាំង បានដាក់បន្ទុកទៅលើការប្រកួតដែលលេងកណ្ដាលថ្ងៃ ដែលធ្វើឱ្យទីលានក្ដៅខ្លាំង ពិបាកក្នុងការប្រកួតជាមួយក្រុមជម្រើសជាតិហុងគ្រី។
ក្នុងការប្រកួត Euro 2020 នៅយប់មិញនេះ ក្រុមបារាំងលេងបានត្រឹមស្មើជាមួយក្រុមម្ចាស់ផ្ទះហុងគ្រីក្នុងលទ្ធផល ១-១ ប៉ុណ្ណោះដោយត្រូវក្រុមហុងគ្រីនាំមុខមុនថែមទៀត។ បារាំង ដែលជាក្រុមត្រូវបានគេមើលឃើញថាមានភាគរយឈ្នះពានរង្វាន់ Euro ច្រើននោះ បានព្យាយាមណាស់ដែរ តែមិនអាចបុកចូលខាងក្រុមហុងគ្រីទេ។
ក្រោយចប់ការប្រកួតលោក Didier Deschamps បាននិយាយថា៖ “ខ្ញុំមិនព្យាយាមនិយាយរកលេសទេ ប៉ុន្តែវាជាការពិត។ សីតុណ្ហភាពខ្ពស់ណាស់នៅពេលរសៀល ៣៥ទៅ៣៦អង្សាសេ។ កីឡាករ តែងតែសួរដើម្បីសម្រាកផឹកទឹកជារៀងរាល់៥នាទី។ វាពិបាកសម្រាប់យើងជាងខាងហុងគ្រី”។
ដោយឡែកសម្រាប់ Antoine Griezmann វិញ ក៏បាននិយាយដែរថាក្រុមបារាំង ហាក់ដូចជាភ្លេចបារម្ភលេងជាមួយអ្នកគាំទ្រពេញកីឡដ្ឋានទៅហើយ។ អ្នកគាំទ្រហុងគ្រី ដែលមកទស្សនាពេញកីឡដ្ឋានជាង៦ម៉ឺននាក់នៅយប់មិញ ពិតជាមានឥទ្ធិពលសម្រាប់ការប្រកួតណាស់៕