ស្ងាត់ចេញបទថ្មីមែន តែបើគិតទ្រព្យសុទ្ធរបស់ T.O.P. មានកម្រិតណាមកដល់ឆ្នាំ ២០២១នេះ?
- 2021-08-19 00:39:50
- ចំនួនមតិ 0 | ចំនួនចែករំលែក 0
ស្ងាត់ចេញបទថ្មីមែន តែបើគិតទ្រព្យសុទ្ធរបស់ T.O.P. មានកម្រិតណាមកដល់ឆ្នាំ ២០២១នេះ?
ចន្លោះមិនឃើញ
T.O.P. ឬ Choi Seung Hyun គឺជាតារាល្បីម្នាក់នៅក្នុងវិស័យ K-Pop ក្រោយប្រឡូកចូលសិល្បៈដំបូងក្នុងនាមជាសមាជិករបស់ BIGBANG ដែលត្រូវបានគេសរសើរមិនត្រឹមតែជាតារាចំរៀង តារារ៉េបប៉ុណ្ណោះទេ ថែមទាំងជាអ្នកនិពន្ធបទចម្រៀងដែរ។
ជាមួយនឹងសកម្មភាពទាំងអស់របស់លោក ទាំងក្នុង និងក្រៅក្រុម តើ T.O.P (BIGBANG) អាចរកចំណូលបានប៉ុន្មានកន្លងមកច្រើនឆ្នាំមកនេះ?
ចាប់តាំងពីបង្កើតមក BIGBANG ទទួលបានពានរង្វាន់រាប់មិនអស់ និងទទួលបានការគាំទ្រជាច្រើនច្រើនបំផុត ជាហេតុចំណូលដែលពួកគេរកបានក៏មិនតិចដែរ។ របាយការណ៍បានបង្ហាញថាក្រុមនេះមានទ្រព្យសម្បត្តិសរុបច្រើនជាង ៤០លានដុល្លារ ទៅទៀត។
នៅពេលនិយាយអំពីទ្រព្យសម្បត្តិសុទ្ធរបស់សមាជិក BIGBANG គិតតែ T.O.P គឺមានចំនួនខ្ពស់ដោយតាមការប៉ាន់ស្មានពីអ្នកជំនាញ បានលើកឡើងថាតារាប្រុសរូបនេះមានទ្រព្យសរុបប្រមាណ ៣៥ លានដុល្លារដែលធ្វើឲ្យលោកក្លាយជាសមាជិកមានទ្រព្យច្រើនលំដាប់ទី ២ប្រចាំក្រុមដូច Taeyang ដែរ។
ទ្រព្យច្រើនបែបនេះ T.O.P ក៏ក្លាយជាតារា K-Pop ដែលមានគួរសមប្រចាំវិស័យ ក្នុងបញ្ជីសេដ្ឋីដែលជាតារា។
ទ្រព្យសុទ្ធរបស់ T.O.P ភាគច្រើនបានមកពីអាជីពជា តារារ៉េប និងអ្នកនិពន្ធចំរៀង។ លោកត្រូវបានគេស្គាល់ច្បាស់ តាមរយៈបទចម្រៀង និងអាល់ប៊ុមល្បីៗជាច្រើនមិនថាទោល ឬជាក្រុមទេ។
ក្រៅពីអាជីពច្រៀង និងធ្វើចម្រៀង T.O.P ក៏រកចំណូលបានកាក់កបពីអាជីពជាតារាសម្តែងដែរ។ លោកបានបង្ហាញខ្លួនមិនត្រឹមតែនៅក្នុងរឿងភាគប៉ុណ្ណោះទេ ថែមទាំងមានមុខក្នុងខ្សែភាពយន្តខ្នាតធំទៀតផង។
លើសពីនេះការលេចមុខ ក្នុងការផ្សព្វផ្សាយពាណិជ្ជកម្មតាមទូរទស្សន៍ ក៏រួមចំណែកក្នុងការបង្កើនទ្រព្យរបស់ T.O.P ដែរ។ មានការប៉ាន់ប្រមាណ ថាតម្លៃខ្លួនក្នុងកិច្ចព្រមព្រៀងរយៈពេល ៦ខែជាមួយនឹងស្ប៉តពាណិជ្ជកម្មនោះ យ៉ាងហោចណាស់ដល់ទៅ ៥០ម៉ឺនដុល្លារ និង មួយលានដុល្លារ សម្រាប់កិច្ចសន្យារយៈពេលវែងមួយឆ្នាំ។
ជាមួយទ្រព្យក្នុងដៃ T.O.P អាចទិញវីឡាមួយកន្លែង ដែលមានតម្លៃជាង ២,៥ លានដុល្លារ និងចំការទំពាំងបាយជូរមួយ នៅ អាហ្សង់ទីន ដែលផលិតស្រាជាមធ្យម ៨០០០ ដប។
តារាចម្រៀងរ៉េបរូបនេះ ធ្លាប់បានបញ្ជាក់ថា លោកនឹងមិនលក់ដបទាំងនេះទេ តែផ្ទុយទៅវិញលោកនឹងរក្សាវាទុក សម្រាប់ខ្លួនលោក ហើយថែមទាំងផ្ញើវាជាកាដូដល់អ្នកគាំទ្រទៀត។
ក្រៅពីនេះ T.O.P. ក៏ត្រូវបានគេស្គាល់ផងដែរ ថាជាអ្នកប្រមូលផ្តុំស្នាដៃសិល្បៈ និងកៅអី។ លោកក៏បានទិញស្នាដៃសិល្បៈដើមរបស់ Andy Warhol និង Kim Hwan ដែរ៕