ក្រុមហ៊ុនអាឡឺម៉ង់មួយបង្កើតបាន Android Phone សុវត្ថិភាពខ្លាំងបំផុត ដោយគ្មាន Google Play Service
- 2021-09-06 05:19:45
- ចំនួនមតិ 0 | ចំនួនចែករំលែក 0
ក្រុមហ៊ុនអាឡឺម៉ង់មួយបង្កើតបាន Android Phone សុវត្ថិភាពខ្លាំងបំផុត ដោយគ្មាន Google Play Service
ចន្លោះមិនឃើញ
NitroPhone 1 គឺជាផលិតផលថ្មីសន្លាងនិងដំបូងបង្អស់របស់ក្រុមហ៊ុនអាឡឺម៉ង់មួយឈ្មោះថា NitroKey ។
ស្មាតហ្វូន NitroPhone 1 ដំណើការដោយ GrapheneOS ដែលក្រុមហ៊ុនអះអាងជាប្រភេទ Android Phone សុវត្ថិភាពខ្លាំងជាងគេបំផុត ។ OS នេះបង្កើតឡើងតាំងពីឆ្នាំ ២០១៤ មកម្ល៉េះតែមិនសូវល្បីឈ្មោះ។
NitroKey នេះល្បីល្បាញជាឆ្នាំមកហើយ ដោយសារពួកគេមានឯកទេសផ្នែកផលិតស្វហ្វវែកម្រិតខ្ពស់ ពីមុនគេតែងឃើញមានលើ ឧបករណ៍ដោះសោរប្រព័ន្ធសុវត្ថិភាពផ្សេងៗតាមរយៈ USB keys ជាប្រភេទ Open source security hardware ។
ត្បិតថា NitroKey ប្រកាសថា ខ្លួនអភិវឌ្ឍន៍ដល់ដំណាក់កាលចុងក្រោយបង្អស់ មាន User interface ស្អាតៗនិងមានមុខងារច្រើនជាងមុនក៏ដោយ ប៉ុន្តែពួកគេមិនផលិត Hardware ខ្លួនឯងដូចក្រុមហ៊ុនដទៃនោះទេ ពោលគឺ Nitroសហការជាមួយ Google ដោយយកស្វ័ហវែមកដាក់លើ Google Pixel 4a ទៅវិញ។
ដូចនេះម៉ូដែល Google Pixel 4a មានជម្រើសពីរគឺ ម៉ូឌែលធម្មតា(Android by Google) តម្លៃ ៣៤៩ ដុល្លារ និងម៉ូឌែលមិនធម្មតា (GrapheneOS by Nitro) តម្លៃដល់ទៅ ៧៥៩ ដុល្លារលក់នៅតែសហរដ្ឋអាមេរិច។
សម្រាប់ម៉ូឌែលមិនធម្មតា មានលក្ខណៈសម្បត្តិផ្សេងៗពីម៉ូឌែលធម្មតាដូចជា បន្ទះឈីបថ្មីគឺ Titan M security (Snapdragon 730G) សម្រាប់ម៉ូឌែល GrapheneOSខាងលើនោះគឺ គ្មាន Google Play services ឡើយ។ វាមាន RAM 4GB, មេម៉ូរី 128GB រន្ធសាកថ្មលឿនលឿន USB-C រក្សាទុករន្ធដោតកាស 3.5 mm ទុកស្ដាប់ចម្រៀងដដែល មិនបំបាត់ចោលនោះទេ។ បើចាប់អារម្មណ៍អាចទិញអនឡាញលើវិបសាយ shop.nitrokey.com ។
សូមរង់ចាំតាមដានអត្ថបទក្រោយ ក្រុមការងារនឹងបង្ហាញជូន OS មួយផ្សេងទៀតដែលបានបង្ហាញខ្លួនរួចមកហើយជាប់ចំណាត់ថ្នាក់ជា OS សុវត្ថិភាពខ្ពស់មួយផងដែរ ដើម្បីមកជាមួយប្រជែង Android ៕