MV ផ្លូវការបទ «Sticker» របស់ NCT 127 ចេញហើយ! ភ្លេងរន្ថើនឡើងបះរោម
- 2021-09-17 03:59:14
- ចំនួនមតិ 0 | ចំនួនចែករំលែក 0
MV ផ្លូវការបទ «Sticker» របស់ NCT 127 ចេញហើយ! ភ្លេងរន្ថើនឡើងបះរោម
ចន្លោះមិនឃើញ
បទថ្មីរបស់ក្រុមចម្រៀង NCT 127 មានចំណងជើងថា «Sticker» ចេញផ្សាយជាផ្លូវការហើយលើ Channel YouTube ផ្លូវការរបស់ SMTOWN។
អាល់ប៊ុម និងបទថ្មីនេះមានចំណងជើងថា «Sticker» របស់ក្រុម NCT 127 ចេញផ្សាយតាមការគ្រោងទុក គឺនៅថ្ងៃទី១៧ ខែកញ្ញា ឆ្នាំ២០២១នេះ។
ស្នាដៃថ្មីដែលក្រុមបានបង្កើតពេលនេះ ពិតជាអស្ចារ្យទៀតហើយ ដោយមិនឲ្យអ្នកគាំទ្រទាំងអស់អស់សង្ឃឹមនោះទេ។ សមាជិកទាំង ៩ ចេញមុខជាមួយនឹង Style ថ្មីៗរៀងៗខ្លួន ឯការសម្ដែង និងបទចម្រៀងសុទ្ធកាន់តែពិសេសឡើង។
ដោយឡែក អាចនិយាយបានថាអាល់ប៊ុមធំថ្មីទី ៣ ដែលមានបទសរុប ១១បទនេះ បានក្លាយជាជោគជ័យមួយទៀតហើយរបស់ក្រុមទៀតហើយ ព្រោះបើតាមការបញ្ជាក់ពីផលិតកម្ម SM ថ្លែងឲ្យដឹងនៅថ្ងៃទី១៥ ខែកញ្ញាថា គិតត្រឹមថ្ងៃទី១៤ អាល់ប៊ុមនេះ មានអ្នកកុម្ម៉ង់ទិញមុន (Pre-Order) ដល់ទៅ ២ ១២០ ០០០បន្ទះ ឯណោះ បន្ទាប់ពីចាប់ផ្ដើមទទួលការកុម្ម៉ង់កាលពីថ្ងៃទី២៣ ខែសីហា។
ជាមួយគ្នានោះ គិតត្រឹម ២៤ម៉ោងដំបូង អាលប៊ុមមានអ្នកកុម្ម៉ង់ទិញមុនប្រមាណ ១,៣លានបន្ទះ ដែលនាំឲ្យអាល់ប៊ុមនេះក្លាយជាស្នាដៃជោគជ័យធំធេងដំបូងរបស់ក្រុម ដែលមានអ្នកកុម្ម៉ង់ទិញមុនដល់ទៅជាង ១លានបន្ទះ៕