Messi នឹងមិនអាចទៅជួយ PSG តទល់នឹង Metz នៅខានស្អែកនេះទេ

2021-09-21 12:56:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Lionel Messi អាចនឹងមិនបានទៅជួយក្លឹប Paris Saint Germain តទល់នឹងក្លឹប Metz ក្របខ័ណ្ឌ Ligue 1 បាននោះទេនៅថ្ងៃទី២៣ ខែកញ្ញា ឆ្នាំ២០២១ខានស្អែកនេះដោយមានរកឃើញមានរបួស។ បើយោងតាមការចុះផ្សាយផ្ទាល់របស់ក្លឹបក្នុងថ្ងៃនេះ។

Messi ត្រូវបានក្រុមគ្រូពេទ្យ PSG ធ្វើការពិនិត្យដោយស្កេន MRI រកឃើញថាកីឡាករនេះអាចមានបញ្ហាគន្លាក់ឆ្អឹងនៅជង្គង់ខាងឆ្វេង ដែលព័ត៌មានលម្អិតទាក់ទងនឹងបញ្ហានេះនឹងចេញនៅរយៈពេល ៤៨ម៉ោងក្រោយ។

ចាប់តាំងពីមកលេងឲ្យ PSG នៅក្នុងរដូវកាលនេះមក ខ្សែប្រយុទ្ធអាហ្សង់ទីនរូបនេះមិនទាន់បានរកគ្រាប់បាល់មួយគ្រាប់ឲ្យក្លឹបនៅឡើយទេ ខណៈដែរកាលពីប្រកួតតទល់នឹង Lyon ថ្ងៃមុន Messi ត្រូវបានលោក Pochettino គ្រូក្លឹបបារាំងដូរចេញផងដែរនៅនាទី៧៥ផងដែរ។

យ៉ាងណាក្ដីលោកគ្រូរូបនេះក៏ធ្លាប់ប្រាប់ពីមូលហេតុផងដែរថា ខ្លាច Messi មានរបួស ខណៈនៅក្នុងថ្ងៃនេះខ្សែប្រយុទ្ធរូបនេះក៏បានរកឃើញមានរបួសដូចទៅហ្នឹងអ្វីដែលលោក Pochettino ព្រួយបារម្ភមែន៕

ប្រភព៖ Sky Sports | en.psg ប្រែសម្រួល៖ ហ៊ីម រស្មី