Live លក់ឥវ៉ាន់តាមអនឡាញលើកដំបូង Tao រកបានជាង ៣០លានដុល្លារ តែឆ្លៀតដុតអ្នក Comment ទើសខុសរឿង
- 2021-10-18 06:35:24
- ចំនួនមតិ 0 | ចំនួនចែករំលែក 0
Live លក់ឥវ៉ាន់តាមអនឡាញលើកដំបូង Tao រកបានជាង ៣០លានដុល្លារ តែឆ្លៀតដុតអ្នក Comment ទើសខុសរឿង
ចន្លោះមិនឃើញ
Huang Zitao គឺជាតារាល្បីម្នាក់ទៀតហើយក្នុងប្រទេសចិន ដែលបានបង្ហាញមុខ Live លក់ផលិតផលលើកដំបូងកាលពីថ្ងៃទី១៦ ខែតុលាកន្លងទៅ។ ក្នុងរយៈពេល ៤ម៉ោង Tao និងក្រុមការងាររកបានលើសពី ១២០លានយ័ន (ខ្ទង់ ១៨,៦លានដុល្លារ) ហើយពេល Live បិទបញ្ចប់ សរុបចំនួនទឹកប្រាក់ដែលពួកគេរកបានគឺ ២០០លានយ័ន (ខ្ទង់ ៣១លានដុល្លារ)។
អំឡុងពេល Live មានអ្នកចូលទស្សនាជាច្រើន ដោយក្នុងនោះខ្លះក៏បានទម្លាក់ Comment មានអ្នកពេញចិត្ត និងមានទាំងអ្នកចម្អកដាក់ Tao ទៀត។ ពួកគេបាននិយាយថា Tao ឆ្លៀតឱកាសកេងផលចំណេញពីមហាជន ដោយជ្រើសយកការ Live លក់បែបនេះ។ ជាមួយ Tao ផងមិនបានចាំយូរទេ ព្រោះពេលឃើញ Comment បែបនេះភ្លាម លោកក៏បានតបថា៖ «ខ្ញុំឃើញ Comment មួយចំនួន វាដូចជាជូរចត់បន្តិច! ខ្ញុំចង់ឲ្យពួកគេចាំទុកក្នុងចិត្តថា...តាំងពីចូលសិល្បៈមក មានរឿងច្រើនណាស់ដែលខ្ញុំតតាំង។ មានអ្នកដែលចូលចិត្ត ហើយក៏មានអ្នកដែលមិនចូលចិត្ត! ហ្នឹងហើយ! រឿងគួរឲ្យអាណោចអាធម៌បំផុតនោះគឺនៅពេលគ្មានអ្នកណាម្នាក់យកចិត្តទុកដាក់ចំពោះអ្នកឯង។ មើលងាយខ្ញុំតាមចិត្តចុះ! មិនថាអ្នកឌឺដងដាក់ខ្ញុំយ៉ាងណាក៏ដោយ អ្នកមិនអាចយកឈ្នះខ្ញុំបានទេ...»។
យ៉ាងណាមិញ Tao បាននិយាយពន្យល់ក្នុង Live ថា លោកមានរបស់របរដែលគ្រប់គ្នាចង់បាន ក្នុងតម្លៃទាប។ ពេលឃើញចំនួនលក់កើនឡើង សួរថាលោករំភើបកញ្ជ្រោលទេ? ចម្លើយគឺ អត់ទេ។
ពេលឃើញគ្រប់គ្នាសប្បាយនឹងទិញរបស់ដែលពួកគេចង់បានក្នុងតម្លៃទាប នោះហើយគឺជាក្ដីសុខរបស់ Huang Zitao៕
ប្រភព៖ DramaPanda