ប្រវិត្តសាស្ត្រក្នុងរវង្វង់សិល្បៈ ដែលមានតារាដល់ទៅ២ដួង នាង ខ្ញុង និងអ្នកនាង ខាត់ សុឃីម បែកធ្លាយរឿងជំពាក់បំណុលខ្ទង់រាប់សិប ម៉ឺនដុល្លារផ្អើលអស់មហាជន។ ថ្វីត្បិតថាជួបរឿងវ័ណ្ឌកដូចគ្នា ប៉ុន្តែយុទ្ធសាស្ត្រក្នុងស្រាយបំណុលគឺ អាចនិយាយបានថាផ្ទុយស្រឡះឆ្ងាយដូចមេឃដី។

ស្របពេលរឿងរ៉ាវក្ដៅគគុកក្នុងពិភពសិល្បៈ តារាកំប្លែងនាង ខ្ញុង Live វីដេអូយំគគ្រូកប្រកាសក្ស័យធន ជំពាក់បំណុលគេដល់ទៅ៥៧២០០០$។ ហើយក្នុងនោះជឿរជាក់ថាប្រិយមិត្តមិនទាន់ភ្លេចនៅឡើយទេថាតារាចម្រៀងពហុជំនាញ ខាត់ សុឃីមក៏ធ្លាប់ជួបវិបត្តិផុងខ្លួនកប់ជ្រៅក្នុងអន្លង់លុយ ៩០ម៉ឺនដុល្លារដោយសារបុលធានាគារ និងចាញ់បោកសែកស្អុកលុយរាប់ម៉ឺនដុល្លារពីឧកញ្ញាម្នាក់ផងដែរ។

យ៉ាងណាមិញបើទោះជាផុងខ្លួនជាប់គាំងលើគំនរបំណុលមែនពិតប៉ុន្តែតារាទាំងនេះនៅតែមានវិធីសាស្រ្តដោះស្រាយ គ្រាន់តែយុទ្ធសាស្ត្រគឺផ្ទុយគ្នាស្រឡះ។ ដោយផ្អែកលើទំហំទឹកប្រាក់ច្រើនលើសលប់ បែបនេះ ខាត់ សុឃីម បានជ្រើសដំណោះស្រាយបំណុលទាំងនេះដោយនាងបានលក់ឡៃឡុងគ្រឿង សម្អាងការចោលក្នុងតម្លៃ២ម៉ឺនដុល្លារ និងលក់ផ្ទះតម្លៃកន្លះលានដុល្លារ ដើម្បីដោះបំណុល៩០ម៉ឺនដុល្លារដោយពុំមានមហាជនណាម្នាក់ចូលលូកដៃជួយឡើយ គឺនាងតស៊ូដោះស្រាយដោយខ្លួនឯង។

អាចនិយាយបានថាយុទ្ធសាស្ត្រដោះសា្រយបំណុលអ្នកទាំងពីរគឺ ផ្ទុយស្រឡះពីគ្នាតែម្ដង ដោយ ខ្ញុង គ្រាន់តែបង្ហូរទឹកភ្នែកស្រែកយំរៀបរាប់រឿងរ៉ាវជំពាក់បំណុលមុខសាលាដំបូងរាជធានីភ្នំពេញហើយធ្វើ ការសុំជំនួយពីមហាជនម្នាក់១ដុល្លារ ក៏អាចសម្រួលដល់បានច្រើនដែរ៕