ចាប់យកគន្លឹះថ្មីពីលោក ចាន់ រដ្ឋា ដែលវិវត្តន៍ខ្លួនពីក្មេងជនបទ រហូតក្លាយជា CEO ក្រុមហ៊ុនធានារាប់រងដ៏ធំមួយ ក្នុងកម្មវិធី Starting Up សប្ដាហ៍ថ្មី!

2021-10-21 09:04:33
ចំនួនមតិ 0 | ចំនួនចែករំលែក 0

ចន្លោះមិនឃើញ

កាន់តែជក់ចិត្តជាមួយកម្មវិធី Starting Up សម្រាប់សប្ដាហ៍ថ្មីនេះ ប្រិយមិត្តនឹងបានជួបជាមួយភ្ញៀវកិត្តិយសដែលមានប្រវត្តិពីអ្នកធ្វើការប្ដូរជាមួយការសិក្សា និងតស៊ូរហូតទទួលបានអាហារូបករណ៍ទៅសិក្សានៅប្រទេសជប៉ុនក្នុងចំណោមបេក្ខជនប្រមាណ ៣ពាន់នាក់។ លោក ចាន់ រដ្ឋា ជានាយកប្រតិបត្តិក្រុមហ៊ុនធានារ៉ាប់រងអាយុជីវិត FWD Life Insurance នឹងបង្ហាញបទពិសោធន៍ ឆ្លងកាត់ជម្នះរាល់ឧបសគ្គជាច្រើនដើម្បីបានរៀន នៅសាលាដូចគេឯង រហូតបានកសាងក្រុមហ៊ុនមួយដ៏ជោគជ័យ។

កើតក្នុងត្រកូលគ្រួសារជនបទ លោក ចាន់ រដ្ឋា បានចាក់ចេញពីស្រុកកំណើតមកទីក្រុងដើម្បីស្វែងរកចំណេះវិជ្ជាក្នុងនោះ ចំណាយពេលប្រហែល ១ ឆ្នាំធ្វើការជាថ្នូរដើម្បីបានរៀនថ្នាក់ភាសាអង់គ្លេស។ ដោយសារ តែជីវភាពលំបាកខ្លាំងពេកពេលខ្លះ លោក ចាន់ រដ្ឋា ត្រូវមើលសៀវភៅ ដែលសល់ពីលោកគ្រូម្នាក់ដែលលោកបានស្នាក់នៅជាមួយ។ អាចថាជាការលំបាកតែជាលទ្ធិផលចេញពីភាពឧស្សាហ៍ព្យាយាម និងខិតខំរៀនសូត្រលោកបានប្រឡងជាប់អាហារូបករណ៍នៅសាលាភាសាបរទេសក្នុងចំណោងបេក្ខជនជាង ៤ពាន់នាក់ និងបន្តជាប់អាអារូបករណ៍ទៅសិក្សានៅប្រទេសជប៉ុន។

រាល់បទពិសោធន៍ ពីការបង្កើតអាជិវកម្មពីដំបូង រួមជាមួយវិធីសាស្រ្ត ស្វែងរកគន្លឹះជោជ័យរបស់លោក ចាន់ រដ្ឋា នឹងត្រូវបានចែករំលែកក្នុងកម្មវិធី Starting Up សម្រាប់សប្ដាហ៍ថ្មីនេះ ដែលមានលោក ជី សិលា ជាអ្នកសម្របសម្រួល។ ដូច្នេះកុំភ្លេចរង់ចាំទស្សនា កម្មវិធី Starting Up សប្ដាហ៍ថ្មី ដោយជួបជាមួយភ្ញៀវកិត្តិយសលោក ចាន់ រដ្ឋា នៅថ្ងៃទី ២៣ ខែតុលា ឆ្នាំ ២០២១ នេះ វេលាម៉ោង ១០ព្រឹក នៅលើទំព័រហ្វេសប៊ុកផេកផ្លូវការរបស់កម្មវិធី Starting Upក៏ដូចជា channel YouTube "Sabay TV"និងស្ដាប់ជាសំឡេង Podcast "Starting Up"៕

អត្ថបទ៖ ម៉េងងី