ថៃគ្រោងថវិកា ៣លានដុល្លារ ជួល LISA និង Andrea Bocelli មកច្រៀងក្នុងថ្ងៃឆ្លងឆ្នាំ
- 2021-10-25 11:30:50
- ចំនួនមតិ 0 | ចំនួនចែករំលែក 0
ថៃគ្រោងថវិកា ៣លានដុល្លារ ជួល LISA និង Andrea Bocelli មកច្រៀងក្នុងថ្ងៃឆ្លងឆ្នាំ
ចន្លោះមិនឃើញ
លោក ភីភីផាត រ៉ាតឃីតប្រាកាន (Phiphat Ratchakitprakarn) រដ្ឋមន្ត្រីក្រសួងទេសចរណ៍ និងកីឡា ប្រទេសថៃ បាននិយាយនៅក្នុងថ្ងៃនេះថា ក្រសួងរបស់លោកបានគ្រោងថវិកាប្រមាណ ៣លានដុល្លារ (១០០លានបាត) ក្នុងការជួល LISA កំពូលតារាចម្រៀង K-pop ដើមកំណើតថៃ ដែលជាសមាជិកមួយរូបរបស់ BLACKPINK និង លោក Andrea Bocelli កំពូលអ្នកចម្រៀងអូប៉េរ៉ាប្រចាំប្រទេសអ៊ីតាលី មកបង្ហាញខ្លួននៅក្នុងកម្មវិធីថ្ងៃឆ្លងឆ្នាំសកលខាងមុខ នៅទីក្រុងភូគេត ប្រទេសថៃ។ នេះបើយោងតាមការចុះផ្សាយរបស់ Bangkok Post ។
បើតាមប្រភពខាងលើ គោលបំណងនៅក្នុងការជួលកំពូលតារាចម្រៀងទាំងពីរមកច្រៀងក្នុងថ្ងៃឆ្លងខាងមុខ គឺជាការបោះទុនដើម្បីទាក់ទាញអ្នកគាំទ្រឲ្យចូលរួម ក្នុងការដំណើរការឡើងវិញនៃវិស័យទេសចរណ៍ ដើម្បីជួយបង្កើនសកម្មភាពសេដ្ឋកិច្ចនៅក្នុងប្រទេស។
បើតាមការចុះផ្សាយរបស់ Thai PBS ក្រសួងទេសចរណ៍ និងកីឡាថៃនឹងតៀមលុយសរុបប្រមាណ ៦លានដុល្លារ (២០០លានបាត) ដើម្បីចំណាយក្នុងការរៀបចំកម្មវិធីខាងលើទាំងស្រុង។
ចំពោះការចំណាយទុនរាប់លានដុល្លារក្នុងការរៀបចំគម្រោង ក៏ត្រូវមហាជននៅថៃជាច្រើននៅតាមបណ្ដាញសង្គមមានការមិនពេញចិត្ត និងភ័យព្រួយនូវការឆ្លងជំងឺកូវីដ-១៩ ផងដែរ៕