Dispatch សុំចាញ់ Seohyun ដោយស្មោះ តស៊ូតាមដាន ៣ឆ្នាំហើយ រកតែរឿងអាស្រូវចុះផ្សាយគ្មានសោះ
- 2021-12-29 01:00:00
- ចំនួនមតិ 0 | ចំនួនចែករំលែក 0
Dispatch សុំចាញ់ Seohyun ដោយស្មោះ តស៊ូតាមដាន ៣ឆ្នាំហើយ រកតែរឿងអាស្រូវចុះផ្សាយគ្មានសោះ
ចន្លោះមិនឃើញ
តារាភាគច្រើនបំផុតនៅក្នុងវិស័យសិល្បៈកូរ៉េ សុទ្ធតែជាចំណីភ្នែករបស់ Dispatch ព្រោះក្រុមការងារពីស្ថាប័នមួយនេះតាមតារាជាប់ដូចតុកកែ ហើយលទ្ធផលពួកគេចំណេញបានជាអត្ថបទព័ត៌មាន រូបភាព និងវីដេអូពីតារាទាំងនោះផ្សាយជូនប្រិយមិត្តបានជ្រាប។ ក្នុងរង្វង់សិល្បៈពេញទៅដោយអាថ៌កំបាំងដែលមានអ្នកចង់ដឹងជាច្រើន ហើយតារាលំដាប់ Girls’ Generation ក៏ជាគោលដៅដែលមានអ្នកចង់ដឹងច្រើនដែរ។
ដើម្បីឲ្យច្បាស់ពីចរិតពិត និងសកម្មភាពប្រចាំថ្ងៃរបស់សមាជិកទាំងអស់ Dispatch បានចាត់ក្រុមការងារតាមដានជាប់ ៣ឆ្នាំ (កាលពីប៉ុន្មានឆ្នាំអំឡុងឆ្នាំ ២០១០)។
ជាលទ្ធផល ក្រុមការងាររកឃើញការពិតថា Jessica បានទាក់ទងស្នេហាជាមួយនឹងបុរសអ្នកជំនួញម្នាក់ឈ្មោះ Tyler Kwon។
ក្រោយមកឃើញ YoonA ដែលកាលនោះទាក់ទងជាមួយនឹង Lee Seung Gi។
មិនទាន់អស់ទេ ចូលដល់ឆ្នាំ ២០១៤ ក៏ស្រាប់តែល្បីកក្រើកពេញពិភព K-Pop ពេល Dispatch បង្ហាញថា Taeyeon និង Baekhyun (EXO) ទាក់ទងគ្នា។
ចូលដល់ Yuri វិញ Dispatch ប្រទះឃើញថាបានដើរលេងជាមួយនឹងអត្តពលិក Oh Seung Hwan។
ទោះជាយ៉ាងណាក្នុងចំណោមសមាជិកទាំងអស់ គឺមានតែ Seohyun តែម្នាក់គត់ ដែល Dispatch អសមត្ថភាពក្នុងការស្វែងរករឿងអាស្រូវរបស់នាង។ ជាលទ្ធផល ក្រោយតាមដានជាង ៣ឆ្នាំ ពួកគេប្រទះឃើញតែសមាជិកពៅគេរបស់ក្រុមរូបនេះចេញចូលតែកន្លែងដដែល នោះគឺហាងកាហ្វេ។
ជាទម្លាប់ Seohyun តែងទៅហាងកាហ្វេ ដើម្បីរៀន និងអានសៀវភៅ។ ជួនកាលនាងក៏បានណាត់ជួបជាមួយនឹងមិត្តភ័ក្តិ ឬអ្នកស្គាល់គ្នាក្នុងហាងកាហ្វេ ដើម្បីជជែកគ្នាលេងធម្មតាពីដំបូន្មានល្អៗ ការងារ និងការសម្ដែងអ្វីដើម។
យ៉ាងណាមិញ នេះមិនមែនជាលើកទី ១ទេ Dispatch បរាជ័យតាមដានរកចំណុចមិនល្អរបស់តារា ព្រោះសូម្បី Taemin (SHINee) ក៏ពួកគេមិនអាចស្វែងរកការពិតបានដែរ។ នេះក៏ដោយសារជាទូទៅ Taemin ទៅណាមកណាតែជាមួយនឹងមិត្តល្អ Kai (EXO) តែម្នាក់គត់៕