ក្រុមហ៊ុនរបស់ IU ចេញសេចក្ដីប្រកាសជម្រះបញ្ហាកើតមានសម្រាប់ភាពយន្តឯកសាររបស់នាង

2022-01-05 05:54:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនកម្សាន្ត EDAM របស់ IU ទើបបានចេញសេចក្ដីប្រកាសមួយបញ្ជាក់ពីបញ្ហាមួយចំនួន ទាក់ទងនឹងវីដេអូឯកសាររបស់នាង។

«ស្របពេលកំពុងតាមដានមតិរបស់អ្នកគាំទ្រអំពីភាពយន្តឯកសាររបស់ IU ដែលមានចំណង “Pieces: A Twenty-Nine Year Old’s Winter” យើងបានទទួលដំណឹងថាមានចំណុចមួយចំនួនដែលអាចនាំឲ្យមានការយល់ច្រឡំ ដូច្នេះយើងក៏ចង់ជូនដំណឹងនិងបញ្ជាក់បន្ថែមពីការពិត។

IU បានរៀបចំឯកសារនេះបន្ទាប់ពីបញ្ចប់អាល់ប៊ុម "Pieces” របស់នាង ព្រោះនាងចង់ជូនជាកាដូដ៏មានន័យដល់ UAENAs (អ្នកគាំទ្រទាំងអស់របស់ IU)។ ដើម្បីដំណើរការផលិតអាល់ប៊ុម យើងបានជួបជាមួយនឹងតារាញឹកញាប់ណាស់។ ជាមួយគ្នានេះ ពួកយើងក៏កំពុងរៀបចំធ្វើការយ៉ាងយកចិត្តទុកដាក់ទៅលើភាពយន្តឯកសារនេះដែរ។

យ៉ាងណាមិញ បន្ទាប់ពីប្រកាសដំណឹងនៃការត្រៀមផលិតភាពយន្តឯកសារនេះ ក្រុមហ៊ុនក៏បានទាក់ទងទៅអ្នកគាំទ្រមួយចំនួន មុនពេលថតរឿង ព្រោះ ក្រោយពីពិនិត្យសព្វគ្រប់ហើយ យើងក៏ដឹងថា អ្នកសរសេរភាពយន្តឯកសារនោះបានទាក់ទងទៅកាន់អ្នកគាំទ្រមួយចំនួន ផ្អែកលើការវិនិច្ឆ័យតែផ្ទាល់ខ្លួន និងបានសម្ភាសពួកគេសម្រាប់ដាក់បញ្ចូលក្នុងភាពយន្តនោះ។

ទោះជាយ៉ាងណា អ្នកសរសេររឿងនោះក៏បានដកខ្លួនចេញពីគម្រោងមុនពេលថតរឿង ហើយព័ត៌មានដែលប្រមូលបានពីការសម្ភាស ក៏មិនបានដាក់បញ្ចូលក្នុងរឿងដែរ។

សម្រាប់ក្រុមការងារផលិតរឿង រួមទាំងពួកយើងផង មិនបានទទួលព័ត៌មាននេះទេពីដំបូង។ ពួកយើងសុំការយោគយល់ពីអ្នកទាំងអស់គ្នាសម្រាប់ការពន្យារពេលថត ដែលត្រូវចំណាយពេលក្នុងការបញ្ជាក់ការពិតឲ្យបានច្បាស់សិន។ ជាថ្មីម្ដងទៀត យើងសូមអភ័យទោសដែលធ្វើឲ្យគ្រប់គ្នាបារម្ភពីរឿងនេះ»។