ពេល Apple ដាក់បង្ហាញ MacBook Pro កាលពី ខែតុលា ក្រុមហ៊ុននេះក៏បានបញ្ចេញ ក្រណាត់ជូតគុណភាពខ្ពស់មួយ Apple Polishing Cloth សម្រាប់ជូតអេក្រង់គ្រឿងអេឡិចត្រូនិច ប៉ុន្ដែមានវាតម្លៃខ្ពស់ ១៩ដុល្លារ ធ្វើឱ្យវាក្លាយជារឿងកំប្លែងលើបណ្ដាញសង្គម ប៉ុន្ដែវាអស្ចារ្យទៅវិញ នៅពេលវាលក់ដាច់ស្ដុក ពេលបើកកម្មង់ត្រឹមមួយថ្ងៃប៉ុណ្ណោះ។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ប៉ុន្ដែយ៉ាងណា ពេលនេះ Apple Polishing Cloth បានត្រលប់មកវិញហើយ មានក្នុងស្ដុកស្រាប់ កំពុងដាក់លក់លើគេហទំព័រផ្លូវការរបស់ក្រុមហ៊ុននេះ ប៉ុន្ដែមិនទាន់មាននៅតាមបណ្ដាហាងនោះទេ។

ក្រណាត់ជូត Apple Polishing Cloth ត្រូវបានបង្កើតឡើងពី សារធាតុទន់មិនងាយខូច នឹងមិនធ្វើឱ្យប៉ះពាល់ដល់ផលិតផល ពិសេសគឺសម្រាប់ជូតអេក្រង់តែម្ដង ដូចជាអេក្រង់របស់ Pro Display XDR, mini-LED, MacBook Pro, iPhone, iPad ឬ Mac ជាដើម៕

ប្រភព៖ macrumors   ប្រែ​សម្រួល៖ កុសល