ម៉ូតូអូតូ ២ម៉ូដែល សមបំផុតសម្រាប់នារីៗជិះ ឯតម្លៃក៏សមរម្យទៀត!

2022-01-18 03:14:10
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្នម៉ូតូប្រភេទប្រើលេខអូតូមានជម្រើសជាច្រើនកំពុងមានវត្តមានលក់នៅលើទីផ្សារប្រទេសកម្ពុជា មានទាំងប្រភេទកម្លាំងម៉ាស៊ីនរហូតដល់ ១៦០សេសេ ក៏មាន។ តែសម្រាប់សុភាពនារីដែលចង់ទិញម៉ូតូប្រភេទលេខអូតូមិនគួរមើលរំលងម៉ូតូ ២ម៉ូដែលនេះ កំពុងមានលក់នៅតាមហាង។

១. Yamaha Grand Filano ស៊េរីឆ្នាំ២០២២ មានតម្លៃខ្ទង់ ២ ៥០០ដុល្លារ

Yamaha Grand Filano មានកម្លាំងរហូតដល់ 125 CC នឹង អាចជិះបាន ៦០គ.ម ក្នុង ១លីត្រ។ វាមានប្រព័ន្ធសោតេឡេបញ្ជា ដូចឡាន ដែលអាចស្វែងរកម៉ូតូ នឹង បើកគម្របសន្ទះសោអូតូ ដោយមានភ្លើងខាងក្នុង។ ប្រអប់ដាក់ឥវ៉ាន់ដ៏ធំមានចំណុះ 27 L និង មានភ្លើងបំភ្លឺដោយអំពូល LED នៅខាងក្នុង ចំណែក ក្នុងនោះ អំពូល LED ក៏ត្រូវបានដាក់ ទៅលើផ្នែកសំខាន់ ៣ បន្ថែមទៀត ដូចជា ភ្លើងក្រោយប្រើអំពូល LED, ភ្លើងដឺមីប្រើអំពូល LED ជាដើម។

២. Honda Lead ស៊េរីឆ្នាំ២០១៩ មានតម្លៃខ្ទង់ ២ ៣០០ដុល្លារ

Honda Lead ម៉ូតូនេះបំពាក់ម៉ាស៊ីនថ្មី eSP+ ចំណុះ១២៤,៨សេសេ ផលិតបានកម្លាំង ១១,១៧សេះ និងកម្លាំងរមួល ១១,៧ញ៉ូតុនម៉ែត្រ។ បច្ចេកវិទ្យាម៉ាស៊ីនថ្មីនេះ គឺត្រូវបានដាក់នៅលើម៉ូតូប្រភេទ scooter ដែលផលិតនាពេលបច្ចុប្បន្ននេះ ដោយវាជួយជំរុញសន្ទុះម៉ូតូ មិនឱ្យប្រឹងខ្លាំង ពេលមូលកាន់តែកប់។ វាក៏មានរន្ធសាកថ្ម USB ប្រព័ន្ធ Smart Key ដែលប្រឆាំងពីការលួច និងប្រព័ន្ធភ្លើងខាងមុខបើកអូតូ អំឡុងពេលធ្វើដំណើរក្នុងស្ថានភាពមានពន្លឺមិនច្បាស់លាស់។

បញ្ជាក់៖ តម្លៃអាចប្រែប្រួលបន្ទាប់ពីចុះផ្សាយ។

អត្ថបទ៖ ម៉េងងី