ពេជ្រ សីហា៖ សរសើរ ពេជ្រ សម្បត្តិ មុខនេះចូលទៅដឹងតែវ៉ៃហើយ

2022-01-20 02:40:37
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតកីឡាករមុខតាន់ ពេជ្រ សីហា បានសរសើរអ្នកប្រដាល់កំពុងឡើងកូដ ពេជ្រ សម្បត្តិ ឡើងសង្វៀនដឹងតែវ៉ៃហើយមិនសូវចេះលាក់លៀម ឬស្ទាបស្ទង់យូរ។

ពេជ្រ សីហា ពេលនៅប្រកួត

សីហា លើកឡើងក្នុងការ Live វីដេអូថា ចំពោះសមត្ថភាពកីឡាករវ័យក្មេង ពេជ្រ សម្បត្តិ ឥលូវនេះគឺល្អ វ៉ៃចាប់ផ្ដើមឆ្លាត ចេះគេច ចេះវ៉ៃ ២-៣ វ៉ៃលើក្រោម និងមានផ្លែធ្ងន់ទៀតផង។ អ្នកប្រដាល់រូបនេះបន្តខំប្រឹងទៀតដឹងតែខ្លាំង។

អតីតកីឡាករជើងខ្លាំងរូបនេះបន្ថែមទៀតថា បង្វឹកឲ្យដល់បន្តិចទៀតអនាគតគឺមុខរឹងដូចខ្លួនអីចឹងដែរ និងមិនសូវគិតច្រើនទេ ពោលឡើងដល់សង្វៀនគិតតែវ៉ៃហើយមិនសូញសាញ ឬខ្លាចក្រែង ស្ទាបស្ទង់ច្រើនឡើយ។

ពេជ្រ សម្បត្តិ ឈ្នះនៅ Mas Fight (រូបភាពផេក Town Sport)

បញ្ជាក់ដែរថា ពេជ្រ សម្បត្តិ ជាកីឡាករស្រករក្រោយទើបប្រឡូកក្នុងវិស័យប្រដាល់ និងកំពុងមានការចាប់អារម្មណ៍ច្រើនពីអ្នកទស្សនាអំពីទម្ងន់ដៃ។ កីឡាកររូបនេះជាសិស្សគុនលោក ពេជ្រ សុផាន់ នៃក្លឹបចលនាយុវជន ១៥៧៕ ប្រកួតចុងក្រោយផ្ដួលកូនសិស្សលោ អេ ភូថង យកប្រាក់រង្វាន់ Mas Fight៕