Honda ប្រកាសចូលរួមសម្ព័ន្ធផលិតអាគុយ បំពាក់លើរថយន្តអគ្គិសនីអនាគត
- 2022-01-22 00:30:00
- ចំនួនមតិ 0 | ចំនួនចែករំលែក 0
Honda ប្រកាសចូលរួមសម្ព័ន្ធផលិតអាគុយ បំពាក់លើរថយន្តអគ្គិសនីអនាគត
ចន្លោះមិនឃើញ
នៅទីបំផុត Honda សម្រេចចូលរួមជាមួយក្រុមសម្ព័ន្ធមួយហៅថា SES ក្នុងការស្រាវជ្រាវ និងអភិវឌ្ឍន៍អាគុយសម្រាប់បំពាក់លើរថយន្តអនាគត។
SES មានសមាជិកដែលជាក្រុមហ៊ុនរថយន្តចូលរួមដូចជា Honda, General Motors, Hyundai, Geely, SAIC, Kia ព្រមទាំងក្រុមហ៊ុន២ទៀត គឺ SK និង LG ដើម្បីរួមគ្នាផលិតអាគុយជំនាន់ក្រោយ។
Honda បានបញ្ជាក់ថា ភាពជាដៃគូជាមួយ SES នឹងនាំមកនូវផ្លែផ្កាដល់ការស្រាវជ្រាវរបស់ខ្លួនក្នុងវិស័យអភិវឌ្ឍន៍អាគុយសូលីត (Solid-state batteries)។
អាគុយគឺជាគ្រឿងដ៏សំខាន់មួយនៃរថយន្តអគ្គិសនី ហើយHonda បាននឹងកំពុងស្វែងរកជម្រើសជាច្រើនសម្រាប់អាគុយជំនាន់ក្រោយ រួមទាំងអាគុយប្រភេទសូលីតទាំងអស់ ដែល Honda កំពុងអភិវឌ្ឍដោយខ្លួនឯង។ ការចូលរួមជាមួយនឹង SES ជាផ្នែកមួយនៃយុទ្ធសាស្រ្តអាគុយរបស់ Honda។
ចាប់ពីពេលនេះតទៅ Honda និង SES នឹងបន្តចូលរួមស្រាវជ្រាវសម្រាប់ការផលិតអាគុយរថយន្តអគ្គិសនីជំនាន់ក្រោយដែលមានសមត្ថភាពខ្ពស់ ប្រើប្រាស់បានយូរ និងសុវត្ថិភាព៕