កោះ Kiribati ដែលមានទីតាំងនៅតំបន់កណ្តាលនៃមហាសមុទ្រប៉ាសុីហ្វិក បានប្រកាសបិទខ្ទប់ និងតម្រូវឱ្យពលរដ្ឋស្នាក់នៅក្នុងផ្ទះ បន្ទាប់ពីបានរកឃើញអ្នកដំណើរបរទេសវិជ្ជមានកូវីដ។ នេះបើតាមការចុះផ្សាយរបស់សារព័ត៍មាន BBC។

នេះជាបិទខ្ទប់ជាលើកដំបូងរបស់កោះ Kiribati ដែលជាកោះមួយក្នុងចំណោមប្រជុំកោះជាច្រើនទៀត នៅតំបន់មហាសមុទ្រប៉ាសុីហ្វិក។ ការបិទខ្ទប់ត្រូវបានធ្វើឡើងក្រោយរកឃើញមនុស្ស ៣៦នាក់ ធ្វើដំណើរពីកោះ Fiji បានតេស្តវិជ្ជមានកូវីដ១៩។ អ្នកដំណើរទាំងអស់នោះ សុទ្ធសឹងតែបានចាក់វ៉ាក់សាំងពេញលេញ។

កោះ Kiribati គឺជាកោះមួយដែលឯកោបំផុតនៅលើពិភពលោក។ កោះនេះ មានចម្ងាយ ៤៨០០គីឡូមែ៉ត្រ ពីទ្វីបអូស្រ្តាលី ដែលជាទ្វីបនៅជិតជាងគេបំផុតរបស់កោះមួយនេះ៕

ប្រភព៖ BBC   ប្រែសម្រួល ៖ សង្ហា