Jay Park ចាប់ផ្ដើមនិយាយដើម IU នូវរឿងរ៉ាវពីក្រោយបទថ្មី “GANADARA”

2022-03-21 05:10:12
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃ១៩ ខែមីនា ឆ្នាំ២០២២ ពេលបង្ហាញមុខក្នុងកម្មវិធី The Manager របស់ MBC តារាចម្រៀង Jay Park បានលើកយករឿងរ៉ាវមួយចំនួនមកបង្ហើបឲ្យគ្រប់គ្នាបានដឹង ពិសេសទាក់ទងនឹងបទថ្មីរបស់ខ្លួនជាមួយនឹង IU។

Jay Park បាននិយាយថា៖ «ខ្ញុំពិតជារំភើបចិត្តណាស់ដែល IU យល់ព្រមធ្វើជាតារាច្រៀង Feature។ បទនេះពិតជាបទ Sweet មែន»។

តារារូបនេះនៅបានបន្តទៀតថា៖ «បន្ទាប់ពីស្ដាប់បទ “All I Wanna Do” រួច IU ក៏បានទាក់ទងមកខ្ញុំ ហើយនិយាយថា “ខ្ញុំពិតជារីករាយណាស់ពេលស្ដាប់បទរបស់អ្នក ចាំថ្ងៃណាមួយយើងធ្វើការជាមួយគ្នា”។ ដំបូងខ្ញុំគិតថា នាងគ្រាន់តែសម្ដែងការគួរសមទេ ប៉ុន្តែខ្ញុំបានឮពាក្យហ្នឹងហើយ ខ្ញុំក៏ភ្ញាក់ហ្មង របៀបដូចថា "មែនក៏អី?” ហើយខ្ញុំក៏ចាបផ្ដើមប្រញាប់ចាត់ចែងភ្លាមៗតែម្ដង»។

មិនទាន់អស់ទេ Jay Park ក៏បានសម្រិតសម្រាំងស្នាដៃថ្មីនេះ ហើយស្នើរទៅនាង ដោយមិនគិតច្រើន។ IU ពិតជាបានបង្ហាញពីចេតនាក្នុងការរួមការងារជាមួយ **Jay Park **មុន ស្របពេលតារាប្រុសរូបនេះក៏ចាប់អារម្មណ៍នឹងបំណងសហការជាមួយគ្នា ដូច្នេះក៏សម្រេចបង្កើតបទថ្មីរួមគ្នាតែម្ដង នោះគឺ "GANADARA”៕