វាយបកសាហាវ! បែលហ្ស៊ិកលត់ប៉ូឡូញដល់ទៅ ៦-១ នៅពាន Nations League
- 2022-06-09 02:01:00
- ចំនួនមតិ 0 | ចំនួនចែករំលែក 0
វាយបកសាហាវ! បែលហ្ស៊ិកលត់ប៉ូឡូញដល់ទៅ ៦-១ នៅពាន Nations League
ចន្លោះមិនឃើញ
ក្រុមជម្រើសជាតិបែលហ្ស៊ិកបានប្រកួតវាយបកយកឈ្នះប៉ូឡូញក្នុងលទ្ធផល ៦-១ ក្នុងពានរង្វាន់ Nations League រដូវកាល២០២២-២៣។
ខ្សែប្រយុទ្ធរបស់ Bayern Munich កីឡាករ Robert Lewandowski ជាអ្នករកគ្រាប់បាល់នាំមុខឲ្យប៉ូឡូញ ហើយក៏ជាគ្រាប់ទី៧៦សម្រាប់គេនៅជម្រើសជាតិផងដែរ។ ប៉ុន្តែមុននឹងបញ្ចប់វគ្គទីមួយ ខ្សែបម្រើ Axel Witsel ក៏បានទាត់បញ្ចូលទីជួយបែលហ្ស៊ិកតាមស្មើ ១-១។
ឈានដល់វគ្គទីពីរការប្រកួតកាន់តែប្រែប្រួលខ្លាំង ដោយខាងបែលហ្ស៊ិករកបានដល់ទៅ៥គ្រាប់បន្ថែម។ ខ្សែបម្រើប្រយុទ្ធ Leandro Trossard ធ្វើបាន២គ្រាប់ម្នាក់ឯង ខណៈ Kevin de Bruyne, Leander Dendoncker និង Lois Penda រកបានម្នាក់មួយគ្រាប់។
នេះគឺជាជ័យជម្នះដំបូងសម្រាប់បែលហ្ស៊ិកក្នុង២ប្រកួតកន្លងទៅនៃ Group A4 ដោយប្រកួតដំបូងពួកគេចាញ់ហុល្លង់ ៤-១។ ហុល្លង់បច្ចុប្បន្នកំពុងឈរកំពូលក្នុងពូលមាន៦ពិន្ទុពេញ ស្របពេលដែលបែលហ្ស៊ិកនិងប៉ូឡូញមាន៣ពិន្ទុដូចគ្នា ឯវែលនៅបាតតារាងគ្មានពិន្ទុរាប់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
